ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली, ता. ५: बोल्डर व गिट़टीची वाहतूक करणाऱ्या ट्रॅक्टरवर कारवाई न करण्यासाठी ट्रॅक्टरमालकाकडून साडेसात हजार रुपयांची लाच स्वीकारताना एसीबीच्या जाळयात सापडलेला चामोर्शीचा पोलिस उपनिरीक्षक नेपालचंद्र दिनदयाल मुजुमदार(५३) यास पोलिस अधीक्षकांनी आज निलंबित केले आहे. 

ट्रॅक्टरमालक ट्रॅक्टरद़वारे गिट़टी व बोल्डर वाहतुकीचे काम करीत होता. ट्रॅक्टर पकडल्यानंतर कारवाई न करता तो सोडून देण्याकरिता पोलिस उपनिरीक्षक नेपालचंद्र मुजुमदार याने  ट्रॅक्टरमालकाकडून साडेसात हजारांची लाच मागितली होती. ३ मार्च रोजी मुजुमदार यास वालसरा येथील पोलिस पाटील भगीरथ भांडेकर याच्यामार्फत साडेसात हजार रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी पकडले होते. त्यामुळे पोलिस अधीक्षक संदीप पाटील यांनी नेपालचंद्र मुजुमदार यास आज सेवेतून निलंबित केले आहे.