ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली,ता.२४: कोरोना विषाणूमुळे उदभवलेल्या परिस्थितीच्या पार्श्वभूमीवर, विदर्भातून प्रकाशित होणारे एकही प्रादेशिक वृत्तपत्र वाटप न करणाऱ्याचा निर्णय विदर्भ डेली न्यूज पेपर असोशिएशन(व्हीडीएनए) या संघटनेने घेतला आहे.

कोरोना विषाणूमुळे जगभरात भयावह परिस्थिती निर्माण झाली आहे. कोरोना विषाणूचा संसर्ग ज्या गोष्टींमुळे होतो, त्यात वृत्तपत्र हेही एक आहे, असे सांगितले जाते. कारण वृत्तपत्र छपाईपासून ते घरोघरी पोहचेपर्यंत अनेक व्यक्तींकडून हाताळले जाते. त्याविषयीचे व्हीडीओही व्हायरल झाले आहेत. असे असतानाही अनेक वर्तमानपत्रांनी जाहिराती करुन ‘आम्ही मशिनद्वारे वृत्तपत्रांच्या घड्या करतो, पॅकेजिंग करतो’ असे सांगितले. शिवाय छापखान्यांमध्ये वृत्तपत्र छपाई करताना सॅनिटायझर्सचाही वापर करणे सुरु केले. तरीही  लोकहितासाठी वृत्तपत्र छपाई व वितरण बंद करण्याचा निर्णय सर्व वृत्तपत्रांना घ्यावा लागला आहे.

आज २४ मार्चला नागपुरात झालेल्या व्हीडीएनएच्या बैठकीत ३१ मार्चपर्यंत विदर्भातील प्रादेशिक वृत्तपत्रांचे वितरण बंद ठेवण्याच्या निर्णय घेण्यात आला. १ एप्रिलपासून वृत्तपत्रांचे नियमित वितरण सुरु होणार आहे.

आणीबाणीच्या काळानंतर सतत आठवडाभर वर्तमानपत्र बंद ठेवण्याची ही मागील ४३ वर्षांतील बहुदा ही पहिलीच वेळ असावी. यामुळे दैनंदिन घडामोंडीसाठी आता नागरिकांनी वृत्तवाहिन्या व न्यूज पोर्टलवरच अवलंबून राहावे लागणार आहे.