ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली,ता.११: लोकसभा निवडणुकीसाठी मतदान सुरु असताना आज नक्षल्यांनी एटापल्ली तालुक्यातील कसनसूर उपपोलिस ठाण्याच्या हद्दीतील वाघेझरी येथील  जुन्या मतदान केंद्राजवळ भूसुरुंगस्फोट घडवून आणला. 

वाघेझरी येथील जिल्हा परिषद शाळेत मतदान केंद्र ठेवण्यात आले होते. परंतु हे मतदान केंद्र सुरक्षिततेच्या दृष्टीने योग्य नसल्याने नंतर त्यात बदल करुन ते अन्यत्र हलविण्यात आले. आज सकाळी साडेअकरा वाजताच्या सुमारास नव्या मतदान केंद्रावर मतदान सुरु असताना नक्षल्यांनी जुन्या मतदान केंद्राजवळ पेरुन ठेवलेल्या भूसुरुंगाचा स्फोट केला. यात कुणीही जखमी झाले नाही. स्फोट झालेले ठिकाण नव्या मतदान केंद्रापासून दूर अंतरावर आहे. अचानक झालेल्या भूसुरुंगस्फोटामुळे तेथे तैनात पोलिस जवानांमध्ये एकच खळबळ उडाली. काल गट्टा-जांभिया गावात नक्षलवाद्यांनी असाच स्फोट घडविल्याने एक जवान जखमी झाला होता.