ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

कुरखेडा, ता.१९:तालुक्यातील सोनसरीनजीकच्या खापरी येथे बिबट्याच्या हल्ल्यात तीन जण जखमी झाल्याची घटना आज सकाळी आठ वाजताच्या सुमारास घडली  या घटनेने परिसरात भीती निर्माण झाली आहे 

शामराव मडावी, सुभाष जगन भोयर रा.खापरी व सुभाष देवनाथ करपते रा.चिनेगाव अशी जखमींची नावे आहेत. बिबट्याला जंगलात हाकलत असताना त्याने हल्ला करून तिघांनाही जखमी केले.

खापरी येथे आज सकाळी गावात आलेल्या बिबट्याला पिटाळून लावण्याकरिता गावकऱ्यांनी एकत्र येऊन हातात काठ्या घेऊन बिबट्याचा पाठलाग केला. बिबट एका गुहेत दडून बसला होता. काही क्षणातच त्याने गावकऱ्यांवर प्रतिहल्ला चढविल्याने तीन गावकरी जखमी झाले. मात्र, इतर गावकरी मदतीला धावून गेल्याने बिबट्याने तेथून पळ काढला. शामराव मडावीच्या पायाला व सुभाष करपतेच्या हाताला दुखापत झाली आहे, तर सुभाष भोयर यांना किरकोळ जखम असल्याने गावीच उपचार करण्यात आला. दोन महिन्यांपूर्वी बिबट्याने सोनसरीनजीकच्या मोहगाव येथील ऐका इसमास ठार केले होते. या घटनेमुळे परिसरातील नागरिकांमध्ये भीती निर्माण झाली असून सोनसरी परिसरात असलेल्या या बिबट्याचा वनविभागाने बंदोबस्त करावा, अशी मागणी परिसरातील नागरिकांकडून करण्यात आली आहे.