मंगळवार, 21 ऑगस्ट 2018
लक्षवेधी :
  दुसऱ्या दिवशीही पर्लकोटा नदीच्या पुलावर पाणी, भामरागड तालुक्यातील गावांचा संपर्क तुटलेलाच             पुरात कारसह अडकलेल्या दोघांची सहिसलामत सुटका-गडचिरोली तालुक्यातील गुरवळा येथील घटना             गोसेखुर्द धरणाचे १० दरवाजे दीड मीटरने, तर २३ दरवाजे १ मीटरने उघडले, ७९५४ क्यूमेक्स पाण्याचा विसर्ग             हैदराबाद-गडचिरोली बस नाल्यात कोसळली,आलापल्ली-सिरोंचा मार्गावरील नंदीगावनजीकची घटना, प्रवासी सुरक्षित             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

जिमलगट्टा प्राथमिक आरोग्य केंद्राचा वैद्यकीय अधिकारी एसीबीच्या जाळ्यात

Tuesday, 13th March 2018 01:47:29 PM

गडचिरोली, ता.१३: वैद्यकीय रजा कालावधीतील वेतनाचे देयक मंजुरीकरिता पाठविण्यासाठी आपल्या अधिनस्थ कर्मचाऱ्याकडून

८ हजार रुपयांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज अहेरी तालुक्यातील जिमलगट्टा येथील प्राथमिक आरोग्य केंद्रातील वैद्यकीय अधिकाऱ्यास रंगेहाथ पकडून अटक केली. डॉ.गोपाल प्रेमानंद पांढरे(३५), वैद्यकीय अधिकारी वर्ग ३(गट 'ब') असे जाळ्यात अडकलेल्या अधिकाऱ्याचे नाव आहे.

एसीबीने दिलेल्या माहितीनुसार, तक्रारकर्ते हे जिमलगट्टा येथील प्राथमिक आरोग्य केंद्रात औषध निर्माण अधिकारी पदावर कार्यरत आहेत. ते जानेवारी, फेब्रुवारी व मे २०१७ मध्ये वैद्यकीय रजेवर गेले होते. रजा कालावधीत त्यांना वेतन मिळाले नाही. त्यानंतर त्यांनी रजा कालावधीत घेतलेल्या औषधोपचाराची कागदपत्रे प्राथमिक आरोग्य केंद्राकडे सादर केली. परंतु तीन महिन्यांच्या वेतनाचे देयक मंजुरीकरिता पाठविण्यासाठी वैद्यकीय अधिकारी डॉ.गोपाल पांढरे याने तक्रारकर्त्यास १० हजार रुपयांची लाच मागितली. तडजोडीअंती तो ८ हजार रुपये स्वीकारण्यास तयार झाला.

मात्र, लाच देण्याची तक्रारकर्त्याची मुळीच इच्छा नसल्याने त्यांनी गडचिरोली येथील लाचलुचपत प्रतिबंधक विभागाकडे तक्रार केली. त्यानुसार एसीबीच्या अधिकाऱ्यांनी आज जिमलगट्टा येथील प्राथमिक आरोग्य केंद्राच्या परिसरात सापळा रचला. यावेळी डॉ.गोपाल पांढरे याने तक्रारकर्त्याकडून ८ हजार रुपयांची लाच स्वीकारली. यावरुन एसीबीने डॉ.गोपाल पांढरे याच्यावर लाचलुचपत प्रतिबंधक कायद्याच्या कलम ७,१३(१)(ड) व १३(२) अन्वये जिमलगट्टा उपपोलिस ठाण्यात गुन्हा दाखल केला.

एसीबीचे पोलिस अधीक्षक पी.आर.पाटील व पोलिस उपअधीक्षक डी.एम.घुगे यांच्या मार्गदर्शनाखाली पोलिस निरीक्षक एम.एस.टेकाम, हवालदार विठोबा साखरे, शिपाई रवींद्र कत्रोजवार, सतीश कत्तीवार, महेश कुकडकर, देवेंद्र लोनबले, गणेश वासेकर, तुळशीदास नवघरे यांनी ही कारवाई केली.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
HROH5
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना