गडचिरोली | --°C | --°C |
कुरखेडा, ता.१९: घरगुती वादातून एका पुत्राने आपल्या वृद्ध मातेवर काठीने प्रहार केल्याने तिच्यावर डोळा गमावण्याची पाळी आल्याची संतापजनक घटना आज सकाळी सात वाजताचे सुमारास देसाईगंज तालुक्यातील कसारी येथे घडली.
कौसल्याबाई विनायक म्हस्के (६०) रा.कसारी असे जखमी मातेचे नाव आहे आरोपी मुलगा नरेश विनायक म्हस्के याने आज सकाळी सात वाजताच्या सुमारास आपल्या जन्मदात्रीला काठीने मारहाण केली. यात तिच्या डोळ्याला गंभीर दुखापत झाली. मुलांसाठी अश्रू वाहणाऱ्या मातेच्या डोळ्यातून रक्ताश्रू वाहू लागल्याने जखमी मातेला १०८ क्रमांकाच्या रुग्णवाहिकेने कुरखेडा येथील उपजिल्हा रुग्णालयात दाखल करण्यात आले. मात्र, डोळ्याला गंभीर इजा झाली असल्याने प्रथमोपचार करुन संदर्भ सेवेसाठी तिला गडचिरोलीला रवाना केल्याची माहिती डॉ.सावसागडे यांनी दिली