ठळक बातम्या

• बालंबाल बचावले गडचिरोलीचे पोलिस! टि..
• जादुटोण्याच्या संशयावरुन वृद्धाला द..
• जादुटोणा प्रकरण: दोघांना जिवंत जाळण..
• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..

गडचिरोली,ता़१९ 

राज्य शासनाने जादूटोणाविरोधी कायदा लागू केल्यानंतर या कायद्याबाबत जनजागृती करण्यासाठी अखिल भारतीय अंधश्रद्धा निर्मूलन समितीचे संस्थापक संघटक प्रा़ श्याम मानव यांचे व्याख्यान शुक्रवारी २१ नोव्हेंबरला संध्याकाळी ६ वाजता धानोरा मार्गावरील शिवाजी महाविद्यालयाच्या प्रांगणात आयोजित करण्यात आले आहे़

यासंदर्भात समाजकल्याण विभागाच्या प्रभारी सहायक आयुक्त पुष्पलता आत्राम यांनी पत्रकार परिषदेत सांगितले की, राज्यात जादूटोणाविरोधी कायदा लागू झाल्यानंतर ‘जादूटोणाविरोणा कायदा जनजागृती, प्रचार आणि प्रसार कार्यक्रम अंमलबजावणी समिती’ गठित करण्यात आली आहे़ प्रा़ श्याम मानव हे या समितीचे सहअध्यक्ष असून, कायद्याबाबत जनजागृती करण्यासाठी  संपूर्ण महाराष्ट्रभर त्यांचे व्याख्यान आयोजित करण्यात आले आहे़ गडचिरोली येथे २१ नोव्हेंबरला त्यांचे व्याख्यान होणार आहे़ ‘वैज्ञानिक दृष्टिकोन व जादूटोणाविरोधी कायदा, चमत्कार, भूत, मंत्रतंत्र, जादूटोणा किती खरं? किती खोटं?’हा त्यांच्या व्याख्यानाचा विषय आहे़ यावेळी प्रा़ मानव हे ढोंगी बुवा सामान्य नागरिकांची कशी फसवणूक करतात, हेदेखील प्रात्यक्षिकाद्वारे समजावून सांगणार आहेत़ नागरिकांनी या कार्यक्रमाला मोठ्या संख्येने उपस्थित राहावे, असे आवाहन पुष्पलता आत्राम यांनी केले़ यावेळी जगदीश बद्रे व अशोक गडकरी उपस्थित होते़