गडचिरोली | --°C | --°C |
गडचिरोली,ता.१०: मुस्लिम बांधवांचा ईद-ए-मिलादुन्नबी हा सण जिल्ह्यात उत्साहात साजरा करण्यात आला.
गडचिरोली येथे मुस्लिम बांधवांनी मिरवणूक काढली. यावेळी खा.अशोक नेते यांनी मिरवणुकीत सहभागी होऊन मुस्लिम बांधवांना शुभेच्छा दिल्या. याप्रसंगी जामा मशिदीचे सदर रहीम शेख, शोएब पटेल, जावेद अली, सलिम शेख, इस्राईल शेख, इकबाल शेख, बशीर शेख, इब्राहिम शेख, अफझल काझी, इकरार कुरेशी, शेख, अझहर काझी, वसीम शेख यांच्यासह अनेक मुस्लिम बांधव सहभागी झाले होते. पोलिस निरीक्षक प्रदीप चौगावकर यांनीही मुस्लिम बांधवांशी गळाभेट करुन शुभेच्छा दिल्या.
देसाईगंज येथे शीख बांधवांनी जामा मशिदीत मुस्लिम बांधवांना मिठाईचे वाटप करुन सर्वधर्मसमभाव व बंधुत्वाचा संदेश दिला. सिरोंचा, कुरखेडा, धानोरा, अहेरी, आलापल्ली, भामरागड इत्यादी ठिकाणीही मुस्लिम बांधवांनी ईद हा सण उत्साहात साजरा केला.