रविवार, 15 डिसेंबर 2019
लक्षवेधी :
  तेली समाजाने संघटित होऊन ताकद दाखवून द्यावी-गडचिरोली येथील तेली समाजाच्या मेळाव्यात खा.रामदास तडस यांचे आवाहन             देसाईगंज येथील राष्ट्रीय लोक अदालतीत ६३ प्रकरणांचा निपटारा             गडचिरोलीच्या ८ विद्यार्थ्यांची राज्यस्तरीय योग स्पर्धेकरिता निवड             महावितरणला जिल्हा ग्राहक तक्रार निवारण मंचचा दणका-वीज चोरीच्या आरोपावरुन ग्राहकास पाठविलेले अतिरिक्त बिल व दंड रद्द करण्याचे आदेश             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
94%
नाही :
6%

मतविभाजन टाळण्यासाठी पुरोगामी पक्षांनी शेकापला सहकार्य करावे:रामदास जराते

Saturday, 19th October 2019 02:01:34 PM

 

गडचिरोली,ता.१९: गडचिरोली विधानसभा क्षेत्रात शेतकरी कामगार पक्षाच्या उमेदवार जयश्री वेळदा यांची विजयाकडे घोडदौड सुरु असून, मतविभाजन टाळण्यासाठी काँग्रेससह सर्व पुरोगामी पक्ष व संघटनांनी शेकापला पाठिंबा द्यावा,असे आवाहन शेकापचे जिल्हा चिटणीस रामदास जराते यांनी आज पत्रकार परिषदेत केले.

रामदास जराते म्हणाले की, गडचिरोली विधानसभा क्षेत्रात शेतकरी कामगार पक्षाच्या उमेदवार जयश्री वेळदा ‘खटारा’ चिन्ह घेऊन रिंगणात आहेत. कालपर्यंत शेकापच्या उमेदवार तिसऱ्या क्रमांकावर राहतील, असा अंदाज व्यक्त केला जात होता. परंतु काँग्रेस पक्षाच्या उमेदवारापेक्षाही शेकाप उमेदवाराची स्थिती चांगली झाल्याने आता आम्ही दुसरा क्रमांक पार करुन विजयाच्या दिशेने घोडदौड करीत असल्याचा दावा श्री.जराते यांनी केला.

भाजप हा जातीयवादी व भांडवलवादी पक्ष असून, त्याच्या विरोधात लढताना मतविभाजन होऊ नये, याची काळजी सर्वांनी घेणे गरजेचे आहे. त्यामुळे काँग्रेससह सर्व पुरोगामी पक्ष व संघटनांनी भाजपचा पराभव करण्यासाठी एकजुटीने शेतकरी कामगार पक्षाच्या पाठीशी राहावे, असे आवाहन श्री.जराते यांनी केले. शेकापला काँग्रेस व भाजपच्या असंतुष्ट कार्यकर्त्यांचा छुपा पाठिंबा मिळत असल्याचा दावाही त्यांनी यावेळी केला.

पत्रकार परिषदेला शेकापचे जिल्हा खजिनदार शामसुंदर उराडे, गडचिरोली विधानसभा चिटणीस नरेश मेश्राम, चामोर्शी तालुका चिटणीस दिनेश चुधरी, जिल्हा समितीचे सदस्य भक्तदास कोठारे, विद्यार्थी आघाडीचे जिल्हा चिटणीस अक्षय कोसनकर, विजयानंद रोळे महाराज, दामोधर रोहनकर, प्रदीप आभारे उपस्थित होते.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
R1RSQ
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना