रविवार, 20 ऑक्टोबर 2019
लक्षवेधी :
  लोकसभा निवडणुकीतील मतदानाच्याटक्केवारीचा विक्रम पार करणार: जिल्हाधिकारी शेखर सिंह यांनी व्यक्त केला विश्वास             प्रचारतोफा थंडावल्या; गुप्त प्रचारात गुंतले उमेदवार व त्यांचे कार्यकर्ते             मतविभाजन टाळण्यासाठी पुरोगामी राजकीय पक्ष व संघटनांनी शेकापला मदत करावी-शेकापचे जिल्हा चिटणीस रामदास जराते यांचे आवाहन             विधानसभा निवडणूक: गडचिरोली जिल्ह्यातील ४७० गावांमध्ये दारुमुक्त निवडणुकीचे ठराव, नवऱ्याला दारु पाजणाऱ्या उमेदवारास पाडण्याचा महिलांचा निर्धार             आदिवासींनीच केंद्रातील सरकार व मोदींना पंतप्रधान बनवलं-आलापल्ली येथील प्रचार सभेत भाजपाध्यक्ष तथा केंद्रीय गृहमंत्री अमित शहा यांचे प्रतिपादन             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
94%
नाही :
6%

आचारसंहितेची कडक अंमलबजावणी करणार-जिल्हाधिकारी शेखर सिंह

Saturday, 21st September 2019 02:14:58 PM

गडचिरोली, ता.२१ :  निवडणूक आयोगाच्या आदेशानुसार, विधानसभा निवडणुकीदरम्यान आचारसंहितेची कडक अंमलबजावणी करण्यात येणार आहे. आचारसंहितेचे उल्लंघन करणाऱ्यांवर कठोर कारवाई केली जाणार असल्याची माहिती जिल्हाधिकारी तथा जिल्हा निवडणूक निर्णय अधिकारी शेखर सिंह यांनी आज पत्रकार परिषदेत दिली.

शेखर सिंह यांनी सांगितले की, विधानसभा निवडणुकीसाठी नामनिर्देशनपत्र सादर करण्याची अंतिम तारीख ४ ऑक्टोबर असून, ५ तारखेला छाननी होईल. ७ ऑक्टोबर ही नामनिर्देशनपत्र मागे घेण्याची अंतिम तारीख आहे. २१ ऑक्टोबरला मतदान व २४ ऑक्टोबरला मतमोजणी होणार आहे.

आजपासून आदर्श आचारसंहिता लागू झाली असून, राजकीय पक्षांनी आचारसंहितेचे काटेकोरपणे पालन करावे. या काळात ठिकठिकाणी लागलेले राजकीय बॅनर व पोस्टर्स काढून घेण्यात येतील. प्रशासनातर्फे कोणत्याही प्रकारची निविदा काढण्यात येणार नाही. आचारसंहितेचे उललंघन झाल्यास कठोर कारवाई करण्यात येईल, असेही शेखर सिंह यांनी सांगितले.

जिल्ह्यात ४०५० मतदान कर्मचारी राहणार असून, त्यांचे प्रशिक्षण २६,२७ व २८ सप्टेंबरला आयोजित करण्यात आले आहे. हे कर्मचारी दुर्गम्‍ भागातही काम करतात. त्यांचा भत्ता वाढवावा, अशी मागणी निवडणूक आयोगाकडे केल्याची माहिती जिल्हाधिकाऱ्यांनी दिली. मतदान प्रक्रियेदरम्यान गैरहजर राहणाऱ्या व मद्य प्राशन करुन येणाऱ्या मतदान कर्मचाऱ्यांवर कठोर कारवाई करण्यात येणार असल्याचेही शेखर सिंह यांनी सांगितले. जिल्ह्यात २२३२ दिव्यांग मतदार असून, त्यांच्या मदतीसाठी राष्ट्रीय सेवा योजना, एनसीसी व युवा मंडळाच्या कार्यकर्त्यांची मदत घेण्यात येणार असल्याची माहितीही श्री.सिंह यांनी दिली. पत्रकार परिषदेला उपजिल्हा निवडणूक अधिकारी कल्पना नीळ उपस्थित होत्या.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
W4CO1
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना