अधिक वाचा>>

आमचे मत - तुमचे मत

गडचिरोली	--°C	--°C

जनमताचा कौल

 

गडचिरोली, ता़१४

विरूद्ध दिशेने येणार्‍या ट्रक व झायलो गाडीची ऐन पुलावर टक्कर झाल्याची घटना आज दुपारी साडेचार वाजताच्या सुमारास आरमोरीनजीकच्या गाढवी नदीच्या पुलावर घडली़ मात्र, यात कोणतीही प्राणहानी झाली नाही़

व्यवसायाने शिक्षक असलेले प्रमोद संगमवार हे आपल्या मालकीच्या एम़एच़ ४० ए़सी ५०७४ क्रमांकाच्या झायलो गाडीने आपल्या कुटुंबीयांसह आरमोरीवरून गडचिरोलीच्या दिशेने जात होते़ गाडीत श्री़ संगमवार, त्यांची पत्नी, सासू, मुलगी व चालक धनपाल सेलोकर हे बसले होते़ गाडी गाढवी नदीच्या पुलावर येताच विरूद्ध दिशेने येणार्‍या ट्रकने गाडीला धडक दिली़ हा ट्रक नादुरुस्त असल्याने दुसर्‍या ट्रकला जोडून आणण्यात येत होता़ या अपघातात झायलो गाडीचा मागचा चाक पुलाचे कठडे तोडून खाली गेला, तर पुढील चाक पुलाच्या कठड्याला अडकून राहिला़ यामुळे गाडी नदीत कोसळली नाही आणि संगमवार कुटुंबीयांचे प्राण वाचले़ श्री़ प्रमोद संगमवार किरकोळ दुखापत झाली़ त्यांना आरमोरीच्या उपजिल्हा रुग्णालयात दाखल करण्यात आले़ घटनेची माहिती मिळताच पोलिस निरीक्षक श्री़मोरे यांनी घटनास्थळ गाठून परिस्थिती आटोक्यात आणली़