ठळक बातम्या

• बालंबाल बचावले गडचिरोलीचे पोलिस! टि..
• जादुटोण्याच्या संशयावरुन वृद्धाला द..
• जादुटोणा प्रकरण: दोघांना जिवंत जाळण..
• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..

गडचिरोली,ता.१४: लोकसभा निवडणुकीच्या मतमोजणीसाठी जिल्हा प्रशासन सज्ज झाले असून, संपूर्ण तयारी झाल्याची माहिती जिल्हाधिकारी तथा जिल्हा निवडणूक अधिकारी शेखर सिंह यांनी आज पत्रकार परिषदेत दिली.

शेखर सिंह यांनी सांगितले की, गडचिरोली येथील शासकीय कृषी महाविद्यालयाच्या इमारतीत २३ मे रोजी सकाळी ८ वाजतापासून पोस्टल मतदान मोजणीस प्रारंभ होईल. त्यानंतर साडेआठ वाजता ईव्हीएम मशिनवरील मतमोजणी सुरु करण्यात येईल. मतमोजणीचे एकूण २५ राऊंड होणार असून, त्यासाठी १४ टेबल लावण्यात येणार आहेत. प्रत्येक टेबलवर पर्यवेक्षक, सहायक पर्यवेक्षक व सुक्ष्म निरीक्षक अशी मंडळी राहणार असून, एकूण प्रक्रियेत सहाशे ते सातशे कर्मचारी सहभागी होतील. मतमोजणी कक्षात कुणालाही मोबाईल वापरता येणार नाही, असेही शेखर सिंह यांनी स्पष्ट केले. याप्रसंगी निवडणूक अधिकारी कल्पना नीळ उपस्थित होत्या.