शनिवार, 19 जानेवारी 2019
लक्षवेधी :
  जिल्हा प्रशासनाने जाहीर केली २०१८-१९ ची खरीप पिकांची पैसेवारी, १६८८ गावांपैकी १२६९ गावांची खरीप पैसेवारी ५० पैशाहून अधिक             देलोडा बिटाचा वनरक्षक एसीबीच्या जाळ्यात, रेती वाहतूक करणाऱ्या ट्रॅक्टरवर कारवाई न करण्यासाठी मागितली १० हजारांची लाच             भीषण अपघातात ४ जण ठार, मृतकांमध्ये तीन कर्मचारी व एका विद्यार्थ्याचा समावेश, एटापल्लीनजीकच्या गुरुपल्ली येथील घटना, संतप्त नागरिकांनी १० ते १५ ट्रक पेटवले             उपशिक्षणाधिकाऱ्यांच्या हकालपट्टीसाठी शिक्षक संघटनांनी जिल्हा परिषदेपुढे केले असहकार आंदोलन             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
95%
नाही :
5%

भाजप नेत्या रोशनी बैस, संगीता मेश्राम यांचा काँग्रेसमध्ये प्रवेश

Thursday, 3rd January 2019 02:03:02 PM

आरमोरी, ता.३: भारतीय जनता पक्षाच्या ओबीसी मोर्चाच्या प्रदेश सदस्या तथा महिला आघाडीच्या जिल्हा सचिव रोशनी बैस, तसेच तालुका सचिव संगीता मेश्राम यांनी आज काँग्रेसचे प्रदेश उपाध्यक्ष आ.विजय वडेट्टीवार यांच्यासह प्रमुख नेत्यांच्या उपस्थितीत काँग्रेसमध्ये प्रवेश केला.

आरमोरी नगर परिषदेच्या अध्यक्ष व ८ प्रभागांतील १७ नगरसेवक पदांसाठी येत्या २७ तारखेला निवडणूक घेण्याचे निवडणूक आयोगाने जाहीर केले आहे. त्यासाठी काँग्रेस पक्षाने आज केमिस्ट भवन येथे इच्छूक उमेदवारांच्या मुलाखती घेतल्या. यासाठी पक्षाचे प्रदेश उपाध्यक्ष व विधिमंडळ उपनेते आ.विजय वडेट्टीवार, पक्षाचे प्रदेश प्रवक्ते व निरीक्षक अतुल लोंढे, प्राचार्य बबनराव तायवाडे, माजी खासदार मारोतराव कोवासे, जिल्हाध्यक्ष तथा माजी आमदार डॉ.नामदेव उसेंडी, माजी आमदार आनंदराव गेडाम, ज्येष्ठ नेते रवींद्र दरेकर, माजी आमदार हरिराम वरखडे, युवा नेते डॉ.नितीन कोडवते, हसनअली गिलानी, तालुकाध्यक्ष किशोर वनमाळी, युवक काँग्रेसचे जिल्हाध्यक्ष महेंद्र ब्राम्हणवाडे, जिल्हा परिषद सदस्य मनिषा दोनाडकर, देसाईगंजचे माजी नगराध्यक्ष जेसा मोटवानी,देसाईगंजचे माजी नगरसेवक शहजाद शेख, सुदाम मोटवानी, अशोक वाकडे उपस्थित होते. त्यांच्या उपस्थितीत रोशनी बैस यांनी काँग्रेसमध्ये प्रवेश केला. याशिवाय भाजप महिला आघाडीच्या तालुका सचिव संगीता मेश्राम यादेखील काँग्रेसवासी झाल्या. आ.वडेट्टीवार यांनी त्यांचे पक्षाचा दुपट्टा व पुष्पगुच्छ देऊन स्वागत केले. यामुळे भाजप महिला आघाडीत खिंडार पडले आहे. तेथे महिला आघाडीत बऱ्याच दिवसांपासून धुसफूस होती.

मुलाखतीसाठी मोठी गर्दी...

आज दुपारी २ वाजता मुलाखतीस सुरुवात झाली. यावेळी एका प्रभागासाठी अनेक इच्छूक उमेदवारांनी मुलाखती दिल्या. संध्याकाळी उशिरापर्यंत मुलाखती सुरुच होत्या. लोकसभा निवडणुकीला तीन-साडेतीन महिने शिल्लक असताना आरमोरी नगर परिषद निवडणुकीच्या निमित्ताने कॉग्रेसच्या जिल्ह्यातील ज्येष्ठ नेत्यांनी एका व्यासपीठावर येऊन एकजुटीचे दर्शन घडविल्याने कार्यकर्त्यांच्या चेहऱ्यावर आनंद दिसत होता.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
40UR0
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना