ठळक बातम्या

• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..

अहेरी, ता.१८: कुटुंबीयांसमवेत झोपेत असताना अज्ञात इसमांनी केलेल्या गोळीबारात पोलिस शिपाई गंभीर जखमी झाल्याची घटना काल(ता.१७)रात्री अहेरी-आलापल्ली मार्गावरील हसनबाग हॉटेलनजीक घडली. सुखदेव दशरथ कावळे(४५) असे जखमी शिपायाचे नाव आहे.

काल मध्यरात्री अज्ञात इसमांनी घराच्या खिडकीतून आत प्रवेश करुन सुखदेव कावळे यांच्यावर गोळीबार केला. आवाज येताच सुखदेवच्या पत्नीने आरडाओरड केली. शेजाऱ्यांनी घटनास्थळी धाव घेताच गोळीबार करणारे पळून गेले. रक्तबंबाळ झालेल्या सुखदेवला अहेरी येथील उपजिल्हा रुग्णालयात हलविण्यात आले. तेथे प्रथमोपचार केल्यानंतर त्यांना चंद्रपूरला हलविण्यात आले. मात्र, प्रकृती चिंताजनक असल्याने त्यांना नागपूरला नेण्यात आल्याची माहिती आहे. 

सुखदेव कावळे हे सिरोंचा पोलिस ठाण्यात कार्यरत होते. एका प्रकरणात निलंबित झाल्याने कोरची तालुक्यातील कोटगूल पोलिस मदत केंद्रात त्यांची पदस्थापना करण्यात आली होती, अशी माहिती आहे. मात्र, हल्लेखोर कोण होते आणि त्यांनी कावळे यांच्यावर कशासाठी हल्ला केला, हे समजलेले नाही.उपविभागीय पोलिस अधिकारी बजरंग देसाई यांच्या मार्गदर्शनाखाली पोलिस निरीक्षक श्री.होडगर घटनेचा तपास करीत आहेत.