ठळक बातम्या

• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..

गडचिरोली, ता.१४: स्वातंत्र्यदिनाच्या पूर्वसंध्येला आज केंद्र सरकारने देशभरातील पोलिस दलातील उत्कृष्ट कामगिरी करणाऱ्या पोलिस कर्मचाऱ्यांना राष्ट्रपती शौर्यपदक जाहीर केले आहे. यात गडचिरोली जिल्ह्यातील ८ कर्मचाऱ्यांचा समावेश असून, त्यातील तिघे जण पोलिस उपनिरीक्षक, तर पाच जण शिपाई आहेत. शिवाय, ९ जणांना नक्षलग्रस्त भागात चांगली कामगिरी बजावल्याबद्दल वेगवर्धित पदोन्नती देण्यात आली आहे.

राष्ट्रपती शौर्यपदक जाहीर झालेल्यांमध्ये पोलिस उपनिरीक्षक सर्वश्री शीतलकुमार डोईजड, हर्षद काळे, अमितकुमार पाटील, तसेच पोलिस शिपाई प्रभाकर मडावी,सीताराम काटेंगे, महेश जाकेवार, राजेंद्र ताडामी, सोमनाथ पवार यांचा समावेश आहे. नक्षलग्रस्त भागात उत्कृष्ट कामगिरी बजावल्याबद्दल पोलिस शिपाई सुधाकर रापंजी, महादेव मडावी, बंडू आत्राम, अशोक मज्जीरवार, संतोष आत्राम, कोतला कोरामी, डोलू आत्राम, संजय आसम व महादेव वानखेडे यांचा समावेश आहे. या सर्व कर्मचाऱ्यांना १५ ऑगस्ट रोजी सन्मानित करण्यात येणार आहे.

गडचिरोली परिक्षेत्राचे पोलिस उपमहानिरीक्षक अंकुश शिंदे व पोलिस अधीक्षक शैलेश बलकवडे यांनी राष्ट्रपती शौर्यपदकाचे मानकरी ठरलेल्या व वेगवर्धित पदोन्नतीस पात्र ठरलेल्या पोलिस कर्मचाऱ्यांचे अभिनंदन केले आहे.