शनिवार, 18 ऑगस्ट 2018
लक्षवेधी :
  वैभव राऊत कुणावर बॉम्ब टाकणार होता, याचा खुलासा तपास यंत्रणेने करावा-राष्ट्रवादी काँग्रेसचे प्रदेशाध्यक्ष जयंत पाटील यांची गडचिरोलीत मागणी             घरी निद्रावस्थेत असलेल्या निलंबित पोलिसांवर अज्ञात व्यक्तीचा गोळीबार, शिपायाची प्रकृती चिंताजनक-अहेरी येथील घटना             संविधान जाळणाऱ्यांवर कठोर कारवाई करा-गडचिरोली तालुका महिला माळी समाज संघटनेची मागणी             रानमांजराची शिकार करणारे चार जण ताब्यात-गडचिरोलीच्या वनाधिकाऱ्यांची कारवाई             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
97%
नाही :
3%

गडचिरोली शहरातील घरांत घुसले पावसाचे पाणी; भामरागडपलिकडील शंभर गावांचा संपर्क तुटला

Monday, 16th July 2018 07:26:52 AM

गडचिरोली,ता.१६: रात्रीपासून सुरु असलेल्या मुसळधार पावसामुळे आज गडचिरोली शहर जलमय झाले. शहरातील चामोर्शी मार्गावरील दोन्ही बाजूंच्या घरांमध्ये पाणी शिरल्याने नागरिकांची तारांबळ उडाली. तिकडे भामरागडनजीकच्या पर्लकोटा नदीवरुन ३ फूट पाणी वाहू लागल्याने तालुक्यातील शंभर गावांचा संपर्क तुटला आहे.

आठवडाभरापासून जिल्ह्यात पाऊस पडत आहे. मात्र, काल रात्रीपासून आज सकाळपर्यंत विक्रमी पाऊस पडला. गडचिरोली शहरात जिल्ह्यात सर्वाधिक २३५ मिलिमीटर पावसाची नोंद झाली. चामोर्शी मार्गावरील केमिस्ट भवनापासून ते राधे बिल्डिंगपर्यंतच्या रस्त्यावर तीन फूट पाणी होते. हे पाणी रस्त्याच्या दोन्ही बाजूंना असलेल्या खोलगट भागातील घरांमध्ये शिरले. अनेकांची चारचाकी वाहने अंगणात व बाहेर उभी होती. पावसाचे पाणी शिरल्याने वाहने बंद पडल्याचे नागरिकांनी सांगितले. तब्बल नऊ वाजतापर्यंत पाणी असल्याने नागरिकांना घराबाहेर पडणे शक्य झाले नाही. संततधार पावसामुळे काही शाळांना आज सुटी देण्यात आली.

तिकडे भामरागडनजीकच्या पर्लकोटा नदीवरुन आज सकाळी साडेनऊ वाजतापर्यंत ३ फूट पाणी वाहत असल्याने त्या भागातील शंभर गावांचा संपर्क तुटला होता. परंतु दुपारी साडेबारा वाजताच्या सुमारास पाणी ओसरले. कुमरगुडा नाल्यावरुनही पाणी वाहत असल्याने नागरिकांची गैरसोय झाली. चामोर्शी तालुक्यातील दिना नदी, कुरखेड्यातील सती नदी, गडचिरोलीनजीकची कठाणी नदी, पोटफोडी नदी व आरमोरीनजीकची गाढवी नदी व अन्य नाले दुथडी भरुन वाहत आहेत. यामुळे जनजीवन पूर्णपणे विस्कळीत झाले आहे.

गेल्या चोवीस तासांत गडचिरोली तालुक्यात सर्वाधिक १८४.४ मिलिमीटर पावसाची नोंद झाली. त्याखालोखाल भामरागड तालुक्यात १०४ मिलिमीटर पाऊस पडला. जिल्ह्यात गडचिरोली शहरात सर्वाधिक २३५ मिलिमीटर पावसाची नोंद झाली. बामणी येथे २०५, तर पोर्ला येथे १८५ मिलिमीटर पाऊस पडला.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
2418U
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना