बुधवार, 19 सप्टेंबर 2018
लक्षवेधी :
  शिक्षक बदली घोटाळ्याप्रकरणी जिल्हा परिषदेचे माजी सभापती विश्वास भोवते यास अटक, न्यायालयीन कोठडीत रवानगी             कोंबडी चोरुन खाल्ली म्हणून ठार मारण्याचा प्रयत्न करणाऱ्यास ५ वर्षांच्या सश्रम कारावासाची शिक्षा-जिल्हा व सत्र न्यायालयाचा निवाडा             नक्षल्यांनी कमलापूरच्या मुख्य चौकात बांधले बॅनर, परिसरात दहशत             राष्ट्रीय ओबीसी महासंघाने जाळला ११ सप्टेंबरचा ओबीसींवर अन्याय करणारा जीआर             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

शेकापच्या नेतृत्वात शेकडो पानठेलाचालक धडकले गडचिरोलीच्या तहसील कार्यालयावर

Thursday, 8th February 2018 11:46:35 AM

गडचिरोली, ता.८: मागील काही दिवसांपासून अन्न व औषध प्रशासनाने पानठेलाचालकांवर केलेल्या कारवाईच्या विरोधात आज शेतकरी कामगार पक्षाचे निमंत्रक रामदास जराते यांच्या नेतृत्वात शेकडो पानठेलाचालकांनी गडचिरोलीच्या तहसीलदारांची भेट घेऊन निवेदन दिले.

निवेदनात शेकापने म्हटले आहे की, मागील आठवड्यापासून अन्न व औषध प्रशासन तसेच पोलिस विभागाने जिल्हाभरात पानठेल्यांवर धाडसत्र राबवून सुगंधित तंबाखू जप्तीच्या नावावर सुपारी व अन्य साहित्यही ताब्यात घेतले आहे. यामुळे शेकडो पानठेले बंद झाले असून, ते बेरोजगार झाल्याने त्यांच्या कुटुंबीयांवर उदरनिर्वाहाचे संकट ओढवले आहे. प्रशासनाच्या मोहिमेमुळे पानठेलाचालकांमध्ये दहशत पसरली असून, सर्व पानठेलाचालकांच्या कुटुंबीयांच्या पालनपोषणाची जबाबदारी प्रशासनाने स्वीकारावी. तसेच पर्यायी व्यवसायाकरिता सुविधा व आर्थिक मदत करावी, अशी मागणी शेकापने केली. निवेदनाची तत्काळ दखल न घेतल्यास पानठेलाचालकांच्या हक्कासाठी शेकाप जिल्हाधिकारी कार्यालयावर मोर्चा काढेल, असा इशाराही यावेळी देण्यात आला.

या आंदोलनात शेकापचे निमंत्रक रामदास जराते, रोहिदास कुमरे यांच्यासह रवीशंकर बारापात्रे, सुनील ब्राम्हणवाडे, ईश्वर सहारे, संजय रामटेके, दामोधर निकुरे, संतोष एडलावार, मोतीराम रहाटे, राजू दंडिकवार, दीपक बाबनवाडे, लहानू राऊत, शरद हेडाऊ, सचिन तुंगीडवार, योगेश धोडरे, सलीम शेख, प्रफुल्ल साखरे, देवेंद्र बांबोळे, मयूर कोहपरे, जावेद अली, नीलेश चिलबुले, घनश्याम झाडे, सुनील मुळे, बंडू निंबोरकर, अतीश जल्लेवार, सचिन मांडवकर, राकेश चिकराम, सुनील कोंडावार, परका बुरेवार, नितेश नैताम, राकेश भांडेकर, राहुल बारापात्रे, आकाश चौधरी, सचिन मेश्राम, शेख इम्रान, प्रताश निकुरे, देवा भांडेकर, शिवाजी उप्पलवार, प्रमोद येनगंटीवार, परेश मेश्राम, शामराव बारापात्रे, सौरभ हजारे, जालींद्र, राजू मोहुर्ले, क्रिष्णा निकुरे इत्यादी पानठेलाचालक सहभागी झाले होते.

उद्या घालणार तहसीलदारांना घेराव

दरम्यान, पानठेलाचालकांच्या वतीने ९ फेब्रुवारीला शेकाप व शिवसेनेच्या वतीने तहसीलदारांना घेराव घालण्यात येणार असल्याची माहिती रामदास जराते यांनी दिली. उद्या सकाळी ११ वाजता इंदिरा गांधी चौकातून पानठेलाचालकांची रॅली निघणार असून, ते तहसील कार्यालयावर धडकणार आहेत.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
5K04A
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना