ठळक बातम्या

• बालंबाल बचावले गडचिरोलीचे पोलिस! टि..
• जादुटोण्याच्या संशयावरुन वृद्धाला द..
• जादुटोणा प्रकरण: दोघांना जिवंत जाळण..
• दीड लाखांचे बक्षीस असलेल्या नक्षल स..
• आयपीएलवर ऑनलाईन सट्टा: दोघांवर गुन्..
• गडचिरोली:जादुटोण्याच्या संशयावरुन द..
• गडचिरोली: १८ लाखांचा सुगंधित तंबाखू..
• छत्तीसगडमधील चकमकीत गडचिरोली जिल्ह्..

गडचिरोली, ता.२१: आंतरराष्ट्रीय योग दिनाचे औचित्य साधून आज गडचिरोलीसह जिल्ह्यातील विविध पोलिस ठाण्यांमधील पोलिस जवानांनी योग व प्राणायामाचे धडे गिरवून दैनंदिन ताण-तणावापासून मुक्ती मिळविण्याचा प्रयत्न केला.

पोलिस कर्मचाऱ्यांचे दैनंदिन जीवन हे अतिशय तणावपूर्ण व धकाधकीचे असते. हा तणाव घालवून जीवन आनंदी करणे आणि सकारात्मक दृष्टिकोन निर्माण करण्याच्या हेतूने आज गडचिरोली येथील पोलिस मुख्यालयाच्या मैदानावर योग व प्राणायाम शिबिर घेण्यात आले. या शिबिरात शेकडो पोलिस जवान व अन्य कर्मचारी सहभागी झाले होते. पोलिस अधीक्षक डॉ.अभिनव देशमुख, अपर पोलिस अधीक्षक महेंद्र पंडित, अपर पोलिस हरी बालाजी, पोलिस उपअधीक्षक नवनाथ ढवळे, उपविभागीय पोलिस अधिकारी सागर कवडे व एसआरपीएफच्या अधिकाऱ्यांनी यावेळी स्वत: उपस्थित राहून योगासने व प्राणायाम केला. पतंजली योग समितीच्या वर्षा देशमुख व त्यांच्या सहकाऱ्यांनी सर्वांना योग व प्राणायामाचे धडे दिले. गडचिरोलीशिवाय, चामोर्शी पोलिस ठाणे, पोटेगाव, येलचिल पोलिस मदत केंद्र व अन्य पोलिस ठाण्यांमध्येही अशाप्रकारच्या शिबिराचे आयोजन करण्यात आले होते.