गडचिरोली | --°C | --°C |
गडचिरोली,ता.१५: पर्यटन व सांस्कृतिक कार्य विभाग आणि जिल्हा प्रशासनाच्या संयुक्त विद्यमाने गडचिरोली येथे १६ फेब्रुवारीपासून महासंस्कृती महोत्सवाचे आयोजन करण्यात आले आहे.
हा महोत्सव २० फेब्रुवारीपर्यंत चालणार असून, त्यात नक्षत्रांचे देणे, जागर लोककलेचा, बिरसा मुंडा हे महानाट्य, झाडीपट्टीतील कला इत्यादी कार्यक्रम सादर होणार आहेत. या महोत्सवात महिला आर्थिक विकास महामंडळ आणि जीवनोन्नती अभियानाच्या बचत गट विविध वस्तूंचे स्टॉल्स लावणार आहेत, अशी माहिती अतिरिक्त जिल्हाधिकारी धनाजी पाटील यांनी आज पत्रकार परिषदेत दिली.