ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.२७: घरी कुणीच नसल्याची संधी साधून अल्पवयीन मुलीवर अतिप्रसंग करणाऱ्या आरोपीस येथील विशेष सत्र न्यायालयाने १० वर्षे सश्रम कारावास व ५१ हजार रुपये दंडाची शिक्षा ठोठावली आहे. मनोहर टिकाराम कापगते(४३),रा.पलसगड,ता.कुरखेडा असे दोषी इसमाचे नाव आहे.

ही घटना आहे २८ ऑक्टोबर २०१७ ची. घटनेच्या दिवशी दुपारी पीडित मुलगी घरी एकटीच असताना मनोहर कापगते हा तिच्या घरी गेला. त्यानंतर त्याने पीडितेवर अतिप्रसंग केला. काही वेळाने पीडित मुलीचा मामा घरी येताच आरोपी मनोहर कापगते याने तेथून पळ काढला. पीडितेने आपबिती सांगितल्यानंतर तिच्या कुटुंबीयांनी पुराडा पोलिस ठाण्यात तक्रार केली. त्यावरुन पोलिसांनी मनोहर कापगते याच्यावर भादंवि कलम ३७६(२)(आय), ५०६, ४४८ व बाल लैंगिक अत्याचार अधिनियमान्वये गुन्हा दाखल करुन २९ ऑक्टोबर २०१७ ला त्यास अटक केली. पोलिस उपनिरीक्षक सुखदेव गोदे यांनी तपास पूर्ण केल्यानंतर न्यायालयात दोषारोपपत्र दाखल केले.

आज या प्रकरणाचा निकाल लागला. विशेष सत्र न्यायालयाने सर्व साक्षदारांचे बयाण नोंदवून व सरकारी पक्षाचा युक्तिवाद ग्राह्य मानून आरोपी मनोहर कापगते यास १० वर्षांचा सश्रम कारावास व ५१ हजार रुपये दंडाची शिक्षा ठोठावली. दंडाच्या रकमेपैकी ४५ हजार रुपये पीडित मुलीला भरपाई म्हणून देण्याचा आदेशही न्यायालयाने दिला.

सरकारी पक्षातर्फे जिल्हा सरकारी वकील अनिल प्रधान यांनी काम पाहिले. कोर्ट पैरवी अधिकारी म्हणून पोलिस निरीक्षक पी.के.तुनकलवार यांनी जबाबदारी सांभाळली.