शनिवार, 28 मार्च 2020
लक्षवेधी :
  गडचिरोली जिल्ह्यात ३२२ वाहनधारकांवर कारवाई, ८१ हजार ७०० रुपयांचा दंड वसूल-पोलिसांची कारवाई             आधारभूत धान खरेदी केंद्रे आता ३१ मेपर्यंत सुरु राहणार-आ.कृष्णा गजबे यांच्या पाठपुराव्याला यश, शेतकऱ्यांना दिलासा             कोरोना-गडचिरोली जिल्ह्यात बाहेरुन आलेल्या ५९५० प्रवाशांची नोंद, सर्व जण प्रशासनाच्या देखरेखीखाली             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           
bg1

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
94%
नाही :
6%

बांधकाम समिती युद्धिष्ठिर बिस्वास, तर कृषी व पशुसंवर्धन समिती रमेश बारसागडेंकडे

Monday, 27th January 2020 03:05:56 PM

गडचिरोली,ता.२७: जिल्हापरिषदेच्या सर्वसाधारण सभेत आजदोन सभापतींना  बांधकाम आणि कृषी व पशुसंवर्धन समिती या समित्यांचे खातेवाटप जाहीर करण्यात आले. बांधकाम समितीच्या सभापतिपदी राष्ट्रवादी काँग्रेसचे युद्धिष्ठिर बिस्वास, तर कृषी व पशुसंवर्धन समितीच्या सभापतिपदी भाजपचे प्रा.रमेश बारसागडे यांची निवड करण्यात आली.

जिल्हा परिषदेची सर्वसाधारण सभा आज अध्यक्ष अजय कंकडालवार यांच्या अध्यक्षतेखाली पार पडली. यावेळी उपाध्यक्ष मनोहर पोरेटी यांच्यासह सर्व जिल्हा परिषद सदस्य आणि अधिकारी उपस्थित होते. या सभेत बांधकाम समितीच्या सभापतिपदी राष्ट्रवादी काँग्रेसचे युद्धिष्ठिर बिस्वास, तर कृषी व पशुसंवर्धन समितीच्या सभापतिपदी भाजपचे प्रा.रमेश बारसागडे यांची वर्णी लागली. आरोग्‌य व शिक्षण या दोन समित्यांचा कार्यभार उपाध्यक्ष मनोहर पोरेटी यांच्याकडे सोपविण्यात आला आहे.

३ जानेवारीला झालेल्या निवडणुकीत काँग्रेस-आविस आघाडीचे अजय कंकडालवार अध्यक्ष तर मनोहर पोरटी उपाध्यक्ष झाले. परंतु १६ जानेवारीला पार पडलेल्या निवडणुकीत चार समित्यांवर भाजप-राकाँ युतीचे सदस्य निवडून आले. समाजकल्याण सभापतिपदावर भाजपच्या रंजिता कोडापे, तर महिला व बालकल्याण समितीच्या सभापतिपदावर रोशनी पारधी विजयी झाल्या होत्या., उर्वरित दोन समित्यांच्या सभापतिपदांवर राष्ट्रवादी काँग्रेसचे युद्धिष्ठिर बिस्वास व भाजपचे प्रा.रमेश बारसागडे निवडून आले होते. या दोघांनाही आजच्या सर्वसाधारण सभेत खातेवाटप जाहीर करण्यात आले. दरम्यान, रंजिता कोडापे व रोशनी पारधी यांनी अनुक्रमे समाजकल्याण आणि महिला व बालकल्याण समितीच्या सभापतिपदांचा पदभार स्वीकारला. भाजप-राकाँ सदस्यांनी त्यांचे पुष्पगुच्छ देऊन अभिनंदन केले.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
4Z0DM
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना