ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

कुरखेडा,ता.१६: गडचिरोली जिल्हा परिषदेचे चार सदस्य कार अपघातात गंभीर जखमी झाल्याची घटना आज सकाळी साडेनऊ वाजताच्या सुमारास कुरखेड्यापासून १० किलोमीटर अंतरावरील लेंढारी गावाजवळच्या वळणावर घडली.

नामदेव सोनटक्के, भाग्‌यवान टेकाम, रमाकांत ठेंगरी व संपत आळे अशी जखमी सदस्यांची नावे आहेत. आज गडचिरोली जिल्हा परिषदेच्या विषय समित्यांच्या सभापतिपदांची निवडणूक आहे. त्यासाठी अनेक सदस्य गावाबाहेर होते. उपरोक्त चारही सदस्य काल देवरी येथे मुक्कामी होते. आज सकाळी ते देवरीहून कारने गडचिरोलीला जाण्यासाठी निघाले. परंतु लेंढारी गावाजवळ कारने रस्त्याच्या कडेला उभ्‌या असलेल्या ट्रकला जबर धडक दिली. यात चौघेही जखमी झाले. नामदेव सोनटक्के व भाग्‌यवान टेकाम यांच्या उजव्या पायाचे हाड मोडले आहे, तर ठेंगरी व आळे यांनाही गंभीर दुखापत झाली आहे. चौघांनाही रुग्णवाहिकेने कुरखेडा येथे आणून उपजिल्हा रुग्णालयात प्रथमोपचार करण्यात आले. त्यानंतर त्यांना गडचिरोलीच्या जिल्हा सामान्य रुग्णालयात हलविण्यात आले.