ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली,ता.२४: दारुविक्रेत्या महिलेकडून दारु जप्त केल्यानंतर दारुविक्रीचा गुन्हा नोंद न करण्यासाठी तिच्याकडून १० हजार रुपयांची लाच स्वीकारताना आज लाचलुचपत प्रतिबंधक विभागाच्या अधिकाऱ्या चामोर्शी पोलिस ठाण्यातील पोलिस उपनिरीक्षकासह एका हवालदारास रंगेहाथ पकडून अटक केली. दिनेशकुमार लिल्लारे(३४) असे पोलिस उपनिरीक्षकाचे, तर चंद्रशेखर काकडे(४८) असे अटक केलेल्या हवालदाराचे नाव आहे.

एसीबीने दिलेल्या माहितीनुसार, तक्रारकर्त्या महिलेकडून मोहफुलांची १० लीटर दारु जप्त केल्यानंतर गुन्हा नोंद न करण्यासाठी पीएसआय लिल्लारे व हवालदार काकडे यांनी तिला १० हजार रुपयांची लाच मागितली. परंतु लाच देण्याची मुळीच इच्छा नसल्याने तिने गडचिरोली येथील लाचलुचपत प्रतिबंधक विभागाकडे तक्रार केली. त्यानुसार या विभागाच्या अधिकाऱ्यांनी आज चामोर्शी पोलिस ठाणे परिसरात सापळा रचून पीएसआय दिनेशकुमार लिल्लारे व हवालदार चंद्रशेखर काकडे यांना पंचांसमक्ष १० हजार रुपयांची लाच स्वीकारताना रंगेहाथ पकडून अटक केली.