ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

कुरखेडा,ता.८:   भाजपाची स्थापना सत्तेसाठी नाही,तर जनसेवेसाठी झाल्याचे प्रतिपादन भाजपचे जिल्हाध्यक्ष किशन नागदेवे यांनी सोमवारी सायंकाळी कुरखेडा येथे केले.

येत्या २१ तारखेला होणाऱ्या विधानसभेच्या सार्वत्रिक निवडणुकीसाठी भाजप, शिवसेना व रिपाइं महायुतीचे आरमोरी विधानसभा क्षेत्राचे  उमेदवार आमदार कृष्णा गजबे यांच्या कुरखेडा येथील पहिल्या प्रचार कार्यालयाच्या उदघाटन प्रसंगी मार्गदर्शन करताना ते बोलत होते. केंद्र व राज्य शासनाच्या विविध योजनांची माहिती देत श्री.नागदेवे यांनी भाजपचा प्रत्येक कार्यकर्ता बूथवरचा योद्धा आहे, तर उमेदवार हा प्रतिनिधी असल्याचे सांगितले. कार्यकर्त्यांनी स्वतः ला उमेदवार समजून प्रचार करावा, असे आवाहनही त्यांनी यावेळी केले.
कार्यक्रमाच्या अध्यक्षस्थानी सहकार महर्षी  प्रकाश सावकार पोरेड्डीवार होते याप्रसंगी प्रमुख अतिथी म्हणून,जिल्हा उपाध्यक्ष गणपत सोनकुसरे, जिल्हासचिव  विलास गावंडे, तालुकाध्यक्ष राम लांजेवार, कृषी सभापती नाना नाकाडे, जिप सदस्य भाग्यवान टेकाम, नाजूक  पुराम शिवसेनेचे तालुका प्रमुख हेमंत लांजेवार, नितेश देशमुख ,नगरसेवक बबलूभाई हुसैनी, पुंडलिक देशमुख, अॅड. उमेश वालदे ,खेमनाथ  डोंगरवार, वसंतराव मेश्राम यावेळी प्रामुख्याने उपस्थित होते.
कार्यक्रमाचे संचालन भाजयुमोचे जिल्हा उपाध्यक्ष चांगदेव फाये यांनी केले. प्रभारी नगराध्यक्ष रवींद्र गोटेफोडे यांनी आभार मानले.