गडचिरोली, ता़१५
घरोघरी भीक मागून पोटाची खळगी भरणार्या एका ७ वर्षीय मुलाचा बोडीत बुडून मृत्यू झाल्याची घटना आज १५ नोव्हेंबरच्या सकाळी मुलचेरा तालुक्यातील अडपल्ली येथे उघडकीस आली़ मुलाची ओळख पटलेली नाही़
आज सकाळी एक इसम गावाबाहेर शौचास गेला असता त्यास ग्रामीण रुग्णालयामागे असलेल्या बोडीत एक मृतदेह तरंगताना दिसला़ घटनेची माहिती मिळताच गावकर्यांनी घटनास्थळी गर्दी केली़ त्यानंतर घोट पोलिस मदत केंद्राचे पोलिस उपनिरीक्षक श्रीक़वडे यांनी घटनास्थळ गाठून मृतदेहाचा पंचनामा केला़ त्यानंतर मृतदेह विच्छेदनासाठी पाठविण्यात आला़