ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

आरमोरी,ता.२२:  तालुक्यातील कुरंडीमाल येथील आदिवासी विविध कार्यकारी संस्थेने खरेदी केलेल्या धानाची आदिवासी विकास महामंडळाने उचल न केल्याने वादळी पाऊस व गारपिटीमुळे धानाची मोठ्या प्रमाणावर नासाडी झाली आहे. 

कुरंडीमाल येथील आदिवासी विविध कार्यकारी संस्थेने वडेगाव येथे आधारभुत धान खरेदी केली आहे. मागील वर्षी चांगला पाऊस पडल्याने या केद्रावर १३८९४ क्विंटल अशी विक्रमी धान खरेदी झाली. त्यातील ६७५० क्विंटल धानाची उचल आदिवासी विकास महामंडळाने केली. परंतु ६९४४ क्विंटल धानाची उचल करण्यात आली नाही. हे धान उघड्यावर ठेवण्यात आले आहेत. परंतु २१ एप्रिलच्या संध्याकाळी अचानक वादळी पाऊस व गारपीट झाल्याने मोठ्या प्रमाणात धानाची नासाडी झाली. ओले झालेले धान कुजण्याच्या स्थितीत असून, कुरंडीमाल येथील आदिवासी विविध कार्यकारी संस्थेच्या संचालकांनी नुकसानीचा पचंनामा करुन तत्काळ धानाची उचल करण्याची मागणी आदिवासी विकास महामंडळाकडे केली आहे.

सरपच टिकेश कुमरे, सभापती प्रल्हाद गेडाम, टेभुणे, वनवे, तलाठी कवडो, ग्रामसेवक माकडे, डहारे, सचिव पुरुषोत्तम कडाम, सुधाकर उसेंडी, धर्मा बावणे, श्रीपाद मडकाम, के.एस. कुळसंगे, गणपत उईके, ऋषी बडे, बाबूराव मडावी, वैशाली गेडाम, यशवंत कांबळे, मनोहर भैसारे, मिनाक्षी मुर्वतकार आदीनी यासंदर्भात महामंडळाला निवेदन पाठविले आहे.