ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली, ता.२१: आरमोरी तालुक्यात आज संध्याकाळी विजांचा कडकडाट व गारपिटीसह जोरदार पाऊस पडला. जिल्ह्याच्या अनेक ठिकाणी जोरदार वादळ आल्याने नागरिकांचे मोठे नुकसान झाले.

आरमोरी शहर व तालुक्यात संध्याकाळी पावसाने हजेरी लावली. यामुळे जनजीवन विस्कळीत झाले. गडचिरोली, चामोर्शी व अहेरी तालुक्यालाही वादळाचा फटका बसला. गडचिरोली-आरमोरी मार्गावरील साखरा-काटली गावादरम्यान वादळामुळे एक मोठे झाड रस्त्यावर कोलमडून पडले. यामुळे बराच वेळ वाहतूक ठप्प होती. आज गडचिरोली येथील आठवडी बाजार होता. दिवसभर बाजार सुरळीत होता. परंतु संध्याकाळी अचानक जोरदार वादळ आल्याने भाजीविक्रेत्यांची तारांबळ उडाली. अनेक दुकानांवरील बोर्ड आणि टिनपत्रेही उडाली. सकाळी देसाईगंज तालुक्यालाही पावसाने झोडपले.