ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली, ता.१५: मंजूर झालेल्या सिंचन विहिरीचे अंतिम देयक काढून देण्यासाठी लाभार्थीकडून चार हजार रुपयांची लाच स्वीकारताना लाचलुचपत प्रतिबंधक विभागाच्या जाळ्यात अडकलेला जिल्हा परिषद सिंचन विभागाचा शाखा अभियंत पितांबर बोदेले यास जिल्हा व सत्र न्यायालयाने १६ मार्चपर्यंत पोलिस कोठडी सुनावली आहे.

'११००० धडक सिंचन विहिरी कार्यक्रम २०१६-१७' अंतर्गत एका लाभार्थीस मंजूर झालेल्या विहिरीचे अंतिम देयक काढून देण्याच्या कामाकरिता गडचिरोली येथील सिंचन विभागाचा शाखा अभियंता पितांबर बोदेले याने ४ हजार रुपयांची मागणी केली. परंतु लाच देण्याची मुळीच इच्छा नसल्याने लाभार्थीने लाचलुचपत प्रतिबंधक विभागाकडे तक्रार केली. या तक्रारीवरुन काल(ता.१४) या विभागाच्या अधिकाऱ्यांनी पितांबर बोदेले यास तक्रारकर्त्याकडून ४ हजार रुपयांची लाच स्वीकारताना रंगेहाथ पकडून त्याच्यावर गडचिरोली पोलिस ठाण्यात भ्रष्टाचार प्रतिबंधक अधिनियम सन १९८८ च्या कलम ७ अन्वये गुन्हा दाखल केला होता. आज त्याला जिल्हा व सत्र न्यायालयात हजर करण्यात आले असता न्यायालयाने त्यास १६ मार्चपर्यंत पोलिस कोठडी सुनावली. एसीबीचे पोलिस निरीक्षक रवी राजुलवार घटनेचा तपास करीत आहेत.