रविवार, 23 सप्टेंबर 2018
लक्षवेधी :
  शिक्षक बदली घोटाळ्याप्रकरणी जिल्हा परिषदेचे माजी सभापती विश्वास भोवते यास अटक, न्यायालयीन कोठडीत रवानगी             कोंबडी चोरुन खाल्ली म्हणून ठार मारण्याचा प्रयत्न करणाऱ्यास ५ वर्षांच्या सश्रम कारावासाची शिक्षा-जिल्हा व सत्र न्यायालयाचा निवाडा             नक्षल्यांनी कमलापूरच्या मुख्य चौकात बांधले बॅनर, परिसरात दहशत             राष्ट्रीय ओबीसी महासंघाने जाळला ११ सप्टेंबरचा ओबीसींवर अन्याय करणारा जीआर             गडचिरोली येथे विविध मोक्क्याच्या ठिकाणी वाजवी दरात प्लॉटस् व जमिनी विक्रीसाठी उपलब्ध-संपर्क साधा ९४२१७२८५५१           

आमचे मत - तुमचे मत

गडचिरोली --°C --°C

जनमताचा कौल

प्रश्न : कंत्राटी कर्मचाऱ्यांना न्याय देण्याबाबत शासन चालढकल करीत आहे, असे वाटते काय?
होय :
96%
नाही :
4%

२६ जानेवारीला काँग्रेसतर्फे संविधान व लोकशाही बचाव रॅलीचे आयोजन

Thursday, 25th January 2018 01:39:27 PM

गडचिरोली, ता.२५: केंद्र व राज्यातील भाजप सरकारने संविधान बदलण्याचा घाट घातला असून, लोकशाही धोक्यात आणण्याचे प्रयत्न चालविले आहेत, असा आरोप काँग्रेसने केला असून, २६ जानेवारीला प्रजासत्ताक दिनी गडचिरोली येथे संविधान व लोकशाही बचाव रॅलीचे आयोजन केले आहे.

२६ जानेवारीला सकाळी ९ वाजता गडचिरोली येथील इंदिरा गांधी चौकातून ही रॅली निघणार आहे. काँग्रेसचे जिल्हाध्यक्ष व माजी आमदार डॉ.नामदेव उसेंडी यांनी प्रसिद्धीपत्रकात म्हटले आहे की, सध्या देश व राज्यात भाजपचे सरकार असून, हे सरकार आरएसएसच्या विचारांवर चालणारे आहे. हे सरकार सर्वसामान्य नागरिकांना राज्यघटनेने दिलेले हक्क व अधिकार हिरावून घेण्याचा प्रयत्न करीत असून, घटनाबाह्य कामांना प्रोत्साहन देत आहे. तसेच सरकार राज्यघटना नाकारण्याचा प्रयत्न करीत असून, लोकशाही मूल्ये पायदळी तुडवून हुकमशाहीच्या दिशेन वाटचाल करीत आहे. भाजपचे खासदार श्री.हेगडे यांनी 'आम्ही घटना बदलण्यासाठीच निवडून आलो आहोत', असे वक्तव्य अलिकडेच केले आहे. या सर्व बाबींचा निषेध करण्यासाठी काँग्रेस पक्षातर्फे संपूर्ण राज्यात संविधान व लोकशाही बचाव रॅलीचे आयोजन करण्यात आल्याची माहिती डॉ.नामदेव उसेंडी यांनी दिली आहे.

काँग्रेसचे सर्व कार्यकर्ते व नागरिकांनी या रॅलीत मोठ्या संख्येने सहभागी व्हावे, असे आवाहन डॉ.उसेंडी यांनी केले आहे.


तुमची प्रतिक्रिया लिहा

नाव :
ई-मेल :
संपर्क क्रमांक :
अभिप्राय:

(इंग्रजी किंवा मराठी लिहिण्यासाठी ctrl+g या कळ दाबा)
S6ARP
  © 2014 - 2015 Gadchiroli Varta, All Rights Reserved ®
Designed & Developed By Rakesh Dongarwar

आमच्याबददल | संपर्क साधा | सुचना