गडचिरोली | --°C | --°C |
गडचिरोली, ता.२६: पोलिस खबऱ्या असल्याच्या संशयावरुन नक्षल्यांनी काल(ता.२५)रात्री धानोरा तालुक्यातील पेंढरी उपपोलिस ठाण्यांतर्गत दुर्गापूर येथील एका युवकाची गोळ्या घालून हत्या केली. सेवकराम हिचामी(२६)असे मृत युवकाचे नाव आहे.
काल रात्री १५ ते २० सशस्त्र नक्षलवादी दुर्गापूर येथे गेले. त्यांनी सेवकरामला झोपेतून उठवून गावाबाहेर नेले आणि त्याची गोळ्या घालून हत्या केली. त्यानंतर त्याचा मृतदेह हटझर गावाजवळच्या रस्त्यावर नेऊन ठेवला. नक्षल्यांनी सेवकरामच्या मृतदेहावर एक चिठ्ठीही ठेवली होती. या घटनेमुळे परिसरात दहशत पसरली आहे.