ठळक बातम्या

• संत निरंकारी मंडळाच्या शिबिरात १८८ ..
• रानटी हत्तीच्या हल्ल्यात हिदूर येथ..
• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..

गडचिरोली, ता.२५: गडचिरोली विधानसभा क्षेत्रातून भाजपच्या तिकिटावर निवडून आलेले आमदार डॉ. देवराव होळी यांचे विधानसभा सदस्यत्व रद्द करण्याच्या उच्च न्यायालयाच्या नागपूर खंडपीठाच्या आदेशावरील अपिलावर सर्वोच्च न्यायालय बुधवारी(ता.२६) सुनावणी करणार आहे. 

ऑक्टोबर २०१४ मध्ये विधानसभेची सार्वत्रिक निवडणूक झाली. त्यावेळी डॉ.देवराव होळी हे चामोर्शी येथील ग्रामीण रुग्णालयात वैद्यकीय अधिकारी पदावर कार्यरत होते. निवडणूक लढविण्यासाठी त्यांनी शासनाकडे आपल्या वैद्यकीय अधिकारीपदाचा राजीनामा दिला होता. परंतु शासनाने डॉ.होळी यांचा राजीनामा स्वीकारला नव्हता. पुढे डॉ.देवराव होळी भाजपच्या तिकिटावर आमदार म्हणून निवडूनही आले. परंतु शासनाने न स्वीकारलेला डॉ.होळी यांचा राजीनामा व अन्य मुदृयांवर फॉरवर्ड ब्लॉक पक्षाकडून उभे राहिलेले अॅड. नारायण जांभुळे यांनी डॉ.होळी यांच्या निवडीला आव्हान देणारी याचिका उच्च न्यायालयाच्या नागपूर खंडपीठात दाखल केली होती. १९ जानेवारी २०१७ रोजी उच्च न्यायालयाने अंतिम निर्णय देत डॉ.देवराव होळी यांचे सदस्यत्व रद्द केले. त्यानंतर आ.डॉ.होळी यांनी सर्वोच्च न्यायालयात अपिल केले होते. सर्वोच्च न्यायालयाने १७ फेब्रुवारी रोजी उच्च न्यायालयाच्या निर्णयाला तात्पुरती स्थगिती दिली होती. आज या प्रकरणाची सुनावणी होणार होती. मात्र आज अन्य महत्वाच्या प्रकरणांवर सुनावणी झाल्याने आ.डॉ.होळी यांच्या प्रकरणावर उद्या २६ एप्रिलला सुनावणी होणार आहे. त्यामुळे सर्वोच्‍च न्यायालयाच्या निकालाकडे सर्वांचे लक्ष लागले आहे.