गडचिरोली | --°C | --°C |
आरमोरी,ता.२९: तालुक्यातील देलनवाडी ग्रामपंचायतीच्या सरपंचपदाच्या निवडणुकीत शेतकरी कामगार पक्षाच्या कार्यकर्त्या प्रियंका रोहिदास कुमरे विजयी झाल्या आहेत. कुमरे यांनी सात विरुद्ध दोन मतांनी निवडणूक जिंकली.
देलनवाडी, नागरवाही व कोसरी या तीन गावांची गटग्रामपंचायत असलेल्या नऊ सदस्यीय देलनवाडी ग्रामपंचायतीचे सरपंचपद अविश्वास ठराव मंजूर झाल्याने रिक्त होते. त्यासाठी आज झालेल्या निवडणुकीत प्रियंका रोहिदास कुमरे यांना ग्रामपंचायत सदस्य इना मेश्राम, मुनिचंद मडावी, शुभांगी मसराम, राजेंद्र पोटावी, त्रिलोक गावतुरे व अश्विनी गरमळे या सात सदस्यांनी हात उंचावून मतदान केले.
देलनवाडीच्या सरपंच झाल्याबद्दल प्रियंका कुमरे यांचे शेतकरी कामगार पक्षाचे जिल्हा चिटणीस भाई रामदास जराते, जिल्हा खजिनदार भाई शामसुंदर उराडे, जयश्री वेळदा, जिल्हा सहचिटणीस रोहिदास कुमरे, युवक आघाडीचे जिल्हाध्यक्ष भाई अक्षय कोसनकर, अशोक किरंगे,डॉ.गुरुदास सेमस्कर, क्रिष्णा नैताम, तुळशीदास भैसारे, पांडुरंग गव्हारे, बाजीराव आत्राम, गंगाधर बोमनवार, दामोधर रोहनकर, देवेंद्र भोयर, सूरज ठाकरे, चंद्रकांत भोयर, तितिक्षा डोईजड, ॲड. नर्गिस पठाण, निशा आयतूलवार, कविता ठाकरे, सुनीता पदा, रेश्मा रामटेके, विजया मेश्राम आणि कार्यकर्त्यांनी अभिनंदन करुन शुभेच्छा दिल्या आहेत.