ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

अहेरी, ता.६: मोदूमडगू येथील एका फर्निचर मार्टमधून अवैधरित्या तोडून साठविलेले सागवान लाकूड जप्त केल्याप्रकरणी न्यायालयाने सात आरोपींना १५ दिवसांची न्यायालयीन कोठडी सुनावली आहे.

आलापल्ली येथून नऊ किलोमीटर अंतरावरील मोदूमडगू येथील राहुल फर्निचर मार्टमधून आलापल्ली व अहेरी येथील वनाधिकाऱ्यांनी काल १३२ सागवान पाटया जप्त केल्या होत्या. सुमारे १.२४३ घनमीटर असलेल्या या सागवान लाकडांची बाजारभावानुसार किंमत सुमारे दीड लाख रुपये आहे.

याप्रकरणी फर्निचर मार्टचा मालक असित हलदर, वसंत वसाके, विभूती घरामी, शंकर मडावी, बिलू कुसराम, रामन्ना अंगूवार व रमेश काटेल यांना अटक केली होती. आज सातही जणांना अहेरी येथील न्यायालयात हजर करण्यात आले. न्यायालयाने त्यांना १५ दिवसांची न्यायालयीन कोठडी सुनावली आहे. ही कारवाई उपवनसंरक्षक श्री.अग्रवाल यांच्या मार्गदर्शनाखाली वनपरिक्षेत्राधिकारी पी.बी.आत्राम, इंगळे, देवगडे, मेश्राम, प्राची काळे, मत्तेवार, मडावी, सडमेक, कुमरे आदींनी केली.

येथील वनविभागाच्या अधिकाऱ्यांनी आज आलापल्लीनजीकच्या एका फर्निचर मार्टवर धाड घालून सुमारे दीड लाख रुपयांचे सागवान फर्निचर जप्त केले. याप्रकरणी फर्निचर मार्टचा मालक असीत हलदर याच्यासह अन्य सात जणांना वनाधिकाऱ्यांनी अटक केली आहे. असित हलदर याचे राहुल फर्निचर मार्ट असून, तेथे तो अवैधरित्या तोडलेली सागवान लाकडे साठवून ठेवून त्याचे फर्निचर बनवून विकत असल्याची चर्चा होती. आरोपींची चौकशी केल्यानंतर बरीच माहिती मिळू शकते, अशी माहिती सूत्रांनी दिली.