ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली, ता.४

कंत्राटदार असलेल्या ट्रॅक्टरमालकाकडून ट्रॅक्टरवर कारवाई न करण्यासाठी ३ हजारांची लाच स्वीकारताना लाचलुचपत प्रतिबंधक विभागाच्या अधिकाऱ्यांनी आज एका वनरक्षकास घोटपासून दोनशे मीटर अंतरावर अटक केली. नारायण सोळंके असे वनरक्षकाचे नाव असून, तो मार्कंडा(क) वनपरिक्षेत्रातील बहादूरपूर बिटमध्ये कार्यरत आहे

तक्रारकर्ता कंत्राटदार कन्हाळगाव येथील स्मशानभूमीच्या रस्त्याचे काम करीत आहे. त्याचा ट्रॅक्टर स्त्याच्या कामावर असल्याने गिट़टी, बोल्डर व अन्य वाहतुकीचे काम त्याद़वारे होत होते. मात्र हे काम अवैध असून, कारवाई व्हावी असे वाटत नसेल तर रक्कम द़यावी लागेल, अशी मागणी वनरक्षकाने केली. त्यानंतर संबंधित कंत्राटदाराने गडचिरोली येथील लाचलुचपत प्रतिबंधक विभागाकडे तक्रार केली. त्यानुसार एसीबीच्या कर्मचाऱ्यांनी आज सापळा रचला. दुपारी साडेतीन वाजताच्या सुमारास घोटपासून दोनशे मीटर अंतरावरील रस्त्यावर वनरक्षक सोळंके यास ३ हजारांची लाच स्वीकारताना रंगेहाथ पकडले. लाचलुचपत प्रतिबंधक विभागाचे उपअधीक्षक रोशन यादव, पोलिस निरीक्षक दामदेव मंडलवार यांच्या नेतृत्वात सहायक फौजदार लाकडे, शिपाई परिमल बाला, वसंत जौंजालकर, मिलिंद गेडाम यांनी ही कारवाई केली. कोणताही अधिकारी वा कर्मचारी लाच मागत असल्यास तत्काळ लाचलुचपत प्रतिबंधक विभागाशी संपर्क साधावा, असे आवाहन या विभागाचे पोलिस अधीक्षक प्रकाश जाधव यांनी केले आहे.