ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.३०:येथील नगर परिषदेने नुकतीच गृहकरात अवाजवी वाढ केल्याने गोरगरीब नागरिकांना प्रचंड आर्थिक ताण सहन करावा लागणार आहे. त्यामुळे ही करवाढ तत्काळ कमी करावी, अशी मागणी नगर परिषदेचे माजी सभापती तथा राष्ट्रवादी काँग्रेसचे शहराध्यक्ष विजय गोरडवार यांनी केली आहे.

विजय गोरडवार यांच्या नेतृत्वात नागरिकांच्या एका शिष्टमंडळाने नुकतीच जिल्हाधिकारी संजय मीणा यांची भेट घेऊन करवाढ कमी करण्याची मागणी केली. नगर परिषदेने यंदा केलेली गृहकर वाढ ही मागील वर्षीपेक्षा चारपट अधिक आहे. एवढा कर भरणे सर्वसामान्य नागरिकांना परवडणारे नाही. त्यामुळे ही करवाढ तत्काळ कमी करावी, अशी मागणी गोरडवार यांनी केली.

शिवाय शहरातील गटारांचा अनियमित उपसा, बंद वीज दिवे, मुख्य रस्त्यांवर मोकाट जनावरांचा वावर इत्यादी समस्यांकडेही लक्ष देण्याची मागणी शिष्टमंडळाने केली. शिष्टमंडळात नईम शेख, भास्कर निमजे, नागोराव उईके, राष्ट्रवादी काँग्रेस सेवादलाचे जिल्हाध्यक्ष अमर खंडारे, मल्लय्या कालवा, विजय जाधव, खेमदेव हस्ते यांचा समावेश होता.