ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.२७: सशस्त्र नक्षल्यांनी रस्त्याच्या कामावरील दोन ट्रॅक्टर्सची जाळपोळ केल्याची घटना आज सकाळी भामरागड तालुक्यातील कोठी पोलिस मदत केंद्रांतर्गत मुरुमभुशी गावाजवळ उघडकीस आली. यामुळे परिसरात भीती निर्माण झाली आहे.

भामरागड तालुक्यात मरकनार ते मुरुमभुशी या रस्त्याचे काम सुरु होते. काल रात्री नक्षल्यांनी रस्त्याच्या कामावर असलेले दोन ट्रॅक्टर जाळले. १३ नोव्हेंबरला मर्दिनटोला येथे झालेल्या चकमकीत पोलिसांनी नक्षल्यांच्या केंद्रीय समितीचा सदस्य मिलिंद तेलतुंबडे याच्यासह २७ नक्षल्यांना कंठस्नान घातले होते. या घटनेचा निषेध म्हणून नक्षल्यांनी आज सहा राज्यामध्ये बंदचे आवाहन केले आहे. या पार्श्वभूमीवर, नक्षल्यांनी मुरुमभुशी गावाजवळ दोन ट्रॅक्टरची जाळपोळ केल्याने त्या परिसरात नागरिक भयभित झाले आहेत. मात्र, आजच्या बंददरम्यान मुरुमभुशी गावची घटना वगळता कुठेही अनूचित घटना घडली नाही. दुर्गम भागातील प्रवासी वाहतूक सुरळीत सुरु होती. बदच्या पार्श्वभूमीवर, पोलिसांनी सर्वत्र चोख बंदोबस्त ठेवला होता.