गडचिरोली | --°C | --°C |
कुरखेडा,ता.२९: तालुक्यातील अरततोंडी येथील श्री.भगवान महादेव देवस्थान ट्रस्टच्या वतीने कुरखेडा येथे भिक्षा मागून उदर निर्वाह करणाऱ्या पारधी समाजातील कुटुंबाच्या दोन्ही वेळच्या जेवणाची व्यवस्था करण्यात आली
अनेक दिवसांपासून कुरखेडा येथे नागभीड तालुक्यातील चिंधीचक येथील पारधी लोक आणि मंगलमेंढा येथील गोसावी बिऱ्हाड घेऊन राहतात.परंतु लॉकडाऊन असल्यामूळे बाहेर पडता येत नाही, वाहतूक बंद असल्याने स्वगावी परतही जाऊ शकत नाही. त्यांची बिकट स्थिती पाहून श्री.भगवान महादेव ट्रस्टचे अध्यक्ष डॉ.तेजराम बुद्धे यांनी ट्रस्टच्या वतीने पुढील दहा दिवस त्यांच्या सकाळ व सायंकाळच्या जेवणाची व्यवस्था केली
आज दुपारी त्यांच्या ठिकाणावर शिजवलेल्या अन्नाचे वाटप करण्यात आले. यावेळी ट्रस्टचे अध्यक्ष डॉ.बुद्धे, कुरखेडा पोलीस स्टेशनचे पोलीस निरीक्षक सुधाकर देडे, सेवानिवृत्त शिक्षक खुशाल फुलबांधे, देवानंद खुणे उपस्थित होते. यावेळी सामाजिक अंतर ठेवून अन्नाचे वाटप करण्यात आले.