ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

कुरखेडा,ता.२७: आदिवासी विकास महामंडळाच्या वतीने आदिवासी विविध कार्यकारी संस्थांमार्फत सुरू असलेल्या जिल्ह्यातील आधारभूत धान खरेदी केंद्रांची मुदत येत्या ३१ मार्चला संपणार होती परंतु आमदार कृष्णा गजबे यांनी शासनाकडे मागणी केल्यानंतर आता धान खरेदी केंद्रांची मुदत ३१ मेपर्यंत वाढविण्यात आली आहे.

कोरोना विषाणूमुळे निर्माण झालेल्या परिस्थितीच्या पार्श्वभूमीवर, आदिवासी विविध कार्यकारी सहकारी संस्थांनी धान खरेदी केंद्रे बंद ठेवली होती.या व अन्य कारणांमुळे शेतकऱ्याचे लाखो रुपयांचे धान खरेदी केंद्रावर वजनाअभावी पडून राहिले होते. त्यामुळे शेतकऱ्यांमध्ये तीव्र असंतोष निर्माण झाला होता शासनाने ठरवून दिलेल्या मुदतीत ३१मार्चपर्यंत शेतकऱ्यांना धानाची विक्री करणे अशक्य असल्याने शेतकऱ्यांमध्ये नाराजी व्यक्त होत होती

 यासंदर्भात आरमोरी विधानसभाक्षेत्राचे आमदार कृष्णा गजबे यांनी  विधानसभा अधिवेशनादरम्यान १४ मार्च २०२० रोजी सभागृहात आरमोरी मतदारसंघासह गडचिरोली जिल्ह्यातील आधारभूत धान खरेदी केंद्रांची ३१ मार्च २०२० रोजी संपत असलेली मुदत वाढवून ३० एप्रिल २०२० पर्यंत धान खरेदी केंद्र सुरू ठेवण्याची मागणी अन्न व नागरी पुरवठामंत्री महोदयांकडे लेखी निवेदनाद्वारे केली होती. या मागणीला प्रतिसाद देत केंद्र शासनाच्या परवानगीनंतर राज्य शासनाने आधारभूत धान खरेदी केंद्र ३१ मे २०२० पर्यंत सुरु ठेवण्याचा निर्णय घेतलेला आहे. त्यामुळे ज्या शेतकऱ्यांकडे अजूनही विक्रीअभावी धान शिल्लक आहे; त्यांना मोठा दिलासा मिळाला आहे.