ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

कुरखेडा,ता.१६: तालुक्यातील मालेवाडा येथील एका  मक्याच्या शेतात आज दुपारी १२ वाजताच्या सुमारास ३२ वर्षीय युवकाचा मृतदेह आढळून आल्याने परिसरात खळबळ माजली आहे 

हरिदास शेंडे असे मृतकाचे नाव असून ते एटापल्ली तालुक्यातील घोटसूर येथील रहिवासी आहेत.घोटसुर येथे ब्रँच पोस्ट मास्तर म्हणून ते कार्यरत होते, अशी माहिती आहे. मालेवाडानजीकच्या धनेगाव येथील  नातेवाईकांच्या लग्नाला मृतक हरिदास शेंडे कुटुंबासह आले होते दरम्यान आज सकाळी त्याची प्रकृती बिघडल्याने नातेवाईकांनी मोटरसायकलने त्यांना मालेवाडा येथील खासगी रुग्णालयात नेले. तेथे तपासणी केल्यानंतर डॉक्टरांनी त्यांना पुढील उपचारासाठी भंडारा येथे नेण्याचा सल्ला दिला.त्यानुसार नातेवाईक त्यांना पुन्हा धनेगाव येथे घेऊन जात असताना मालेवाडा गावानजीकच्या नदीच्या बाजूला असलेल्या मक्याच्या शेतामध्ये श्री.शेंडे पळून गेले.  त्यांचा शोध घेण्यात आला. मात्र ते दिसले नाही.  दरम्यान सुभाष गुंडरे हे त्यांच्या शेतातील मक्याला  पाणी देण्यासाठी गेले असता दुपारी १२ वाजताच्या सुमारास  श्री.शेंडे हे मृतावस्थेत आढळून आले. घटनेची माहिती मालेवाडा पोलीस मदत केंद्राला देण्यात आली असून,पोलीस उपनिरीक्षक श्री.गिते तपास करीत आहेत.