ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

कुरखेडा,ता.१४: देशालाच नव्हे; तर संपूर्ण जगाला बेरोजगारीची समस्या भेडसावत आहे. शासकीय सेवेच्या संधी मर्यादित आहेत. त्यामुळे नव्या युगात रोजगाराची संकल्पनाही बदलत आहे. या डिजिटल युगात जगात अपार रोजगाराच्या संधी उपलब्ध आहेत आणि त्या घरबसल्या प्राप्त करता येतात. यासाठी कौशल्य विकासाची गरज असल्याचे प्रतिपादन एमकेसीएलचे व्यवस्थापकीय संचालक विवेक सावंत यांनी केले. 

कुरखेडा येथील गोविंदराव मुनघाटे महाविद्यालयाच्या वार्षिक सांस्कृतिक कला महोत्सवाच्या उद्घाटनप्रसंगी ते बोलत होते. यावेळी विवेक सावंत यांनी  मार्गदर्शनाच्या पारंपरिक पद्धतीला फाटा देत डिजिटल बोर्डवर चित्रफितीच्या माध्यमातून जगात उपलब्ध असलेल्या रोजगारांच्या संधी व त्यासाठी आवश्यक असलेल्या बाबीवर प्रकाश टाकत विद्यार्थ्यांना प्रोत्साहित केले. कार्यक्रमाच्या अध्यक्षस्थानी ‘आम्ही आमच्या आरोग्यासाठी’ संस्थेचे संस्थापक डॉ.सतीश गोगुलवार होते. यावेळी विचार मंचावर महाविद्यालयाचे प्राचार्य डॉ. राजाभाऊ मुनघाटे, विवेक सावंत यांचे सहकारी श्रीनिवास खेर, उदय पंचभोर उपस्थित होते.

प्राचार्य राजाभाऊ मुनघाटे यांनी प्रास्ताविकातून महाविद्यालयाच्या स्थापनेपासून तर आतापर्यंत राबवण्यात येणाऱ्या विविध उपक्रमांची माहिती दिली. प्रा.डॉ.नरेंद्र आरेकर यांनी पाहुण्यांचा परिचय करून दिला.  कार्यक्रमाचे संचालन पंकज गेडाम, तर प्रा.डॉ.गुणवंत वडपल्लीवार यांनी आभार मानले.