ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.२९: देसाईगंजचे माजी नगराध्यक्ष व भाजपचे ज्येष्ठ नेते किशन नागदेवे यांची पक्षाच्या जिल्हाध्यक्षपदी नियुक्ती करण्यात आली आहे.

आज शहरातील संस्कृती सभागृहात भाजपचे विदर्भ प्रदेश संघटनमंत्री डॉ.उपेंद्र कोठेकर, पक्षाचे सरचिटणीस आ.डॉ.रामदास आंबटकर, खा.अशोक नेते,आ.प्रा.अनिल सोले, आ.डॉ.देवराव होळी, आ.क्रिष्णा गजबे, ज्येष्ठ नेते प्रकाश सावकार पोरेड्डीवार, बाबूराव कोहळे, प्रमोद पिपरे, रवींद्र ओल्लालवार, डॉ.भारत खटी यांच्या उपस्थितीत सर्वबूथप्रमुख, सक्रिय कार्यकर्ते व पदाधिकाऱ्यांची बैठक आयोजित करण्यात आली होती. या बैठकीत किशन नागदेवे यांच्या नियुक्तीची घोषणा करण्यात आली.

कुशल संघटक व रणनीतीकार म्हणून ओळख असलेल्या किशन नागदेवे यांनी देसाईगंज नगरपरिषदेचे अध्यक्ष म्हणून यशस्वीरित्या धुरा सांभाळली आहे. शिवाय २०१० ते २०१६ अशी सहा वर्षे ते भाजपचे जिल्हाध्यक्षहोते. त्यानंतर खा.अशोक नेते यांच्याकडे जिल्हाध्यक्षपदाची जबाबदारी आली. खा.नेते यांचा ३ वर्षांचा कार्यकाळ पूर्ण झाल्यानंतर विधानसभा निवडणुकीच्या पार्श्वभूमीवर १६ सप्टेंबर २०१९ रोजी श्री.नागदेवे यांना तात्पुरते जिल्हाध्यक्षपद बहाल करण्यात आले होते. परंतु यंदा पक्षाच्या संघटनात्मक निवडणुका घेण्यात येत असून, सर्व पदाधिकाऱ्यांच्या नियुक्त्या करणे सुरु आहे.

जिल्हाध्यक्षपदासाठी किशन नागदेवे, बाबूराव कोहळे, प्रमोद पिपरे व रमेश भुरसे या चार जणांनी मुलाखत दिली होती. त्यानंतर संघटनमंत्र्यांनी ही चार नावे प्रदेश कार्यकारिणीकडे पाठविली होती. प्रदेश कार्यकारिणीने हिरवी झेंडी दाखविल्यानंतर आजच्या बैठकीत किशन नागदेवे यांच्या नियुक्तीची घोषणा करण्यात आली. त्यानंतर सर्वांनी श्री.नागदेवे यांचे पुष्पगुच्छ देऊन अभिनंदन केले.