गडचिरोली | --°C | --°C |
गडचिरोली,ता.२७: विविध गुन्ह्यांत आरोपी असलेल्या व पोलिस आणि न्यायालयाला गुंगारा देणाऱ्या ३ जणांना विशेष पथकाच्या पोलिसांनी अटक करण्यात यश मिळविले आहे.
गंगाराम विस्तारी तलांडी, रा.आलापल्ली, कार्तिक विनोद हलधर, रा.नागेपल्ली व अंताराम काजा परते रा. आलापल्ली अशी अटकेतील आरोपींची नावे आहेत. काही गुन्ह्यातील आरोपी २० ते ४० वर्षांपासून सापडले नाहीत. त्यामुळे न्यायालयात अनेक प्रकरणे प्रलंबित आहेत. त्यामुळे प्रकरणांचा निवाडा करण्यात अडचणी येत असल्याबाबत न्यायालयाने पोलिस अधीक्षक कार्यालयाला कळविले होते. त्याअनुषंगाने पोलिस अधीक्षक शैलेश बलकवडे यांनी प्रकरणाचे गांभीर्य ओळखून विशेष पथकाची निर्मिती केली. या पथकाने ९५ सुप्त नस्ती प्रकरणातील आरोपींचे निरंतर वॉरंट जारी केले. त्यानंतर तीन आरोपींना आलापल्ली व गुंडापल्ली येथून अटक केली. तसेच चार आरोपींचा मृत्यू झाल्याचे निदर्शनास आल्याने त्यांचे मृत्यू प्रमाणपत्र प्राप्त करुन न्यायालयास सादर केले.