ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.९: आश्रमशाळांमधील विद्यार्थ्यांच्या क्रीडा स्पर्धा दरवर्षी होत असतात. परंतु यंदा प्रथमच एकात्मिक आदिवासी विकास विभागाच्या वतीने रांगी येथे शासकीय आदिवासी वसतिगृहातील मुलामुलींच्या क्रीडा स्पर्धा घेण्यात आल्या.

शासकीय आदिवासी आश्रमशाळेतील विद्यार्थ्यांप्रमाणेच शासकीय आदिवासी वसतिगृहातील मुलांमुलींच्याही क्रीडा स्पर्धा घेण्यात याव्यात, अशी विनंती गडचिरोली येथील वसतिगृहाचे गृहपाल रवींद्र गजभिये व विद्यार्थ्यानी गडचिरोलीच्या प्रकल्प अधिकारी डॉ.इंदुराणी जाखड यांना केली.त्यानुसार डॉ.जाखड यांनी जिल्ह्यातील गडचिरोली, कुरखेडा, अहेरी व भामरागड अशा चार विभागांच्या क्रीडा स्पर्धांचे नियोजन केले. त्यापैकी गडचिरोली विभागाच्या क्रीडा स्पर्धा रांगी येथे पार पडल्या. सहायक प्रकल्प अधिकारी विकास राचेलवार व वंदना महल्ले यांच्या मार्गदर्शनाखाली ह्या स्पर्धा झाल्या.वंदना महले यांच्या हस्ते बक्षीस वितरण करण्यात आले.

यात आदिवासी मुलांचे शासकीय वसतिगृह क्रमांक १ व आदिवासी मुलींचे शासकीय वसतिगृह चामोर्शी यांना विजेता संघ घोषित करण्यात आले. आदिवासी मुलांचे शासकीय वसतिगृह क्रमांक २ व आदिवासी मुलींचे  शासकीय वसतिगृह  गडचिरोली  यांना उपविजेता  संघ  घोषित करण्यात आले. स्पर्धांच्या आयोजनासाठी शासकीय वसतिगृहाचे गृहपाल रवींद्र गजभिये, स्वाती देशपांडे,प्रशांत फरकाडे, कैलास उईके, अशोक जाधव, गीता झुरमुरे, रजनी मडावी व माला सोनवाने, रांगी आश्रमशाळेचे मुख्याधापक श्री. रामटेके व अधीक्षक श्री.आत्राम यांनी सहकार्य केले.