ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.२६: गावातील इसमास जातिवाचक शिवीगाळ करुन त्यास काठीने मारहाण करणाऱ्या आरोपीस विशेष जिल्हा व सत्र न्यायालयाने ३ वर्षे कारावास व १ हजार रुपये दंडाची शिक्षा ठोठावली आहे. विश्वनाथ यशवंत गहाणे(४८)रा.आंधळी असे शिक्षा झालेल्या दोषी इसमाचे नाव आहे.

ही घटना ७ नोव्हेंबर २०१५ ची आहे. आंधळी येथील अशोक रामदास बोदेले(५५) हे संध्याकाळी आवारात आलेल्या गायीला हाकलत बुद्ध विहारासमोरील रस्त्याने जात असताना विश्वनाथ गहाणे याने त्यास जातिवाचक शिवीगाळ करुन काठीने डोक्यावर मारहाण केली. बोदेले यांनी केलेली तोंडी तक्रार व वैद्यकीय अहवालावरुन कुरखेडा पोलिसांनी विश्वनाथ गहाणे याच्यावर भादंवि कलम ३२४ सहकलम ३(१)(१०)अन्वये गुन्हा दाखल केला होता. तत्कालिन उपविभागीय पोलिस अधिकारी अभिजित फस्के यांनी तपास पूर्ण केल्यानंतर आरोपीस अटक करुन न्यायालयात दोषारोपपत्र दाखल केले. आज या प्रकरणाचा निकाल लागला. न्यायालयाने सरकारी पक्षाचा युक्तिवाद व साक्षदारांचे बयाण ग्राह्य धरुन आरोपी विश्वनाथ गहाणे यास अनुसूचित जाती, जमाती अत्याचार प्रतिबंधक कायद्याच्या कलम ३(१)(१०) अन्वये ३ वर्षे कारावासाची शिक्षा व १ हजार रुपये दंड आणि कलम ३२४ अन्वये २ वर्षे शिक्षा ठोठावली. सरकारी पक्षातर्फे सहायक जिल्हा सरकारी वकील नीळकंठ भांडेकर यांनी काम पाहिले.