ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.१५: प्रख्यात मोटिवेशनल स्पीकर सोनिया जाडाजी यांचे गडचिरोली येथे विद्यार्थी व पालकांसाठी पाच दिवस नि:शुल्क मेमोरी चॅम्पीयन सेमिनार आयोजित करण्यात आले आहेत.

चामोर्शी मार्गावरील सेलिब्रेशन फंक्शन हॉलमध्ये रविवारी १७ नोव्हेंबरला सकाळी ११ ते दुपारी १ व संध्याकाळी ७ ते रात्री ९ वाजतापर्यंत आणि १८, १९, २० व २१ नोव्हेंबरला संध्याकाळी ७ ते रात्री ९ या वेळात हे सेमिनार होणार आहेत. या सहा सेमिनारपैकी कोणत्याही एका सेमिनारला इच्छुकांना उपस्थित राहता येईल.

सोनिया जाडाजी या मागील दहा वर्षांपासून मार्गदर्शन करीत असून, आतापर्यंत त्यांनी ८ लाख लोकांचे सेमिनार घेतले आहेत. सोनिया यांनी पत्रकार परिषदेत सांगितले की, अलिकडे मुले मोबाईलच्या आहारी गेलेली आहेत. मोबाईल वा तत्सम वस्तू न मिळाल्यास मुलांनी आत्महत्या केल्याच्या बातम्याही येत असतात. टीव्ही व मोबाईलच्या आहारी गेल्यामुळे मुलांची सहनशक्ती कमी होत आहे. शिवाय डोळ्यांवरही विपरित परिणाम होत आहे. यासंदर्भात मुलांचे मन वळवून त्यांची मानसिकता कशी सकारात्मक करता येईल, याविषयीची सखोल माहिती सेमिनारमधून देण्यात येणार आहे. तसेच एकाग्रता, आत्मविश्वास व चरित्र सुधार याविषयीदेखील प्रोजेक्टरद्वारे मार्गदर्शन करण्यात येणार असल्याचे सोनिया जाडाजी यांनी सांगितले. पत्रकार परिषदेला पीकुमार जाडाजी व कृणाल पडालवार उपस्थित होते.