ठळक बातम्या

• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..
• गडचिरोली-चिमूर क्षेत्र: महायुती चर्..
• अखेर मार्कडेश्वर मंदिराच्या जीर्णोद..
• १६ फेब्रुवारीपासून गडचिरोलीत महासंस..
• गडचिरोली: जिल्हाधिकाऱ्यांच्या निवास..

गडचिरोली,ता.१४: क्षुल्लक कारणावरुन पत्नीला केरोसीन ओतून जीवंत जाळणाऱ्या पतीस गडचिरोलीच्या जिल्हा व सत्र न्यायालयाने ७ वर्षांचा सश्रम कारावास व १ हजार रुपये दंडाची शिक्षा ठोठावली आहे. दुखीराम सुभाष बिस्वास,रा.आनंदग्राम,ता.चामोर्शी असे दोषी इसमाचे नाव आहे.

तेलंगणा राज्यातील सिरपूर तालुक्यातील रवींद्रनगर येथील परितोष मंडल यांची मुलगी अंजना हिचा विवाह आनंदग्राम येथील दुखीराम बिस्वास याच्याशी झाला होता. परंतु दुखीराम हा नेहमी क्षुल्लक

कारणावरुन अंजनास त्रास देत होता. एके दिवशी ‘तुझ्या वडिलांना दिलेले २० हजार रुपये मागून आण’, असा तगादा लावून दुखीरामने अंजनाच्या अंगावर केरोसीन ओतून तिला जाळले. यात तिचा मृत्यू झाला. त्यानंतर २६ ऑगस्ट २०१६ रोजी परितोष मंडल यांनी चामोर्शी पोलिस ठाण्यात तक्रार केली. त्यावरुन पोलिसांनी आरोपी दुखीराम बिस्वास याच्यावर भादंवि कलम ३०२, ३४ अन्वये गुन्हा दाखल केला. तपास पूर्ण झाल्यानंतर आष्टी पोलिस ठाण्याचे उपनिरीक्षक संदीप कापडे यांनी न्यायालयात दोषारोपपत्र दाखल केले. आज या प्रकरणाचा निकाल लागला.

प्रमुख जिल्हा व सत्र न्यायाधीश स्वप्नील खटी यांनी साक्ष पुरावा तसेच वैद्यकीय अधिकाऱ्यांचा अहवाल आणि सरकारी पक्षाचा युक्तीवाद ग्राह्य मानून आरोपी दुखीराम बिस्वास यास खुनाच्या गुन्ह्यात दोषी ठरवून ७ वर्षांचा सश्रम कारावास व १ हजार रुपये दंड आणि दंड न भरल्यास तीन महिने अतिरिक्त कारावासाची शिक्षा ठोठावली. या प्रकरणात दुखीरामच्या कुटुंबातील अन्य तिघांची सबळ पुराव्याअभावी भादंवि कलम ३०४ व सहकलम १४ च्या गुन्ह्यातून निर्दोष मुक्तता केली. सरकारी पक्षातर्फे सहायक जिल्हा सरकारी वकील सचिन कुंभारे यांनी काम पाहिले.