गडचिरोली | --°C | --°C |
कुरखेडा,ता.१३: अस्वलाने हल्ला केल्याने ममिता दानशहा गावडे(५०) ही महिला ठार झाली. तालुक्यातील देलनवाडी वनपरिक्षेत्रांतर्गत खडकी(कुमरेटोला) गावालगत आज सकाळी ही घटना घडली.
ममिता गावडे ही आज सकाळी गावाबाहेर गेली असता तिच्यावर अस्वलाने जोरदार हल्ला केला. या हल्ल्यात ती गंभीर जखमी झाली. तिच्यावर अंगारा येथील प्राथमिक आरोग्य् केंद्रात प्रथमोपचार करण्यात आले. त्यानंतर गडचिरोली येथील जिल्हा सामान्य रुग्णालयात नेत असताना वाटेत तिचा मृत्यू झाला. वनविभागाने तिला तातडीने ३ हजार रुपयांची मदत केली.