गडचिरोली | --°C | --°C |
गडचिरोली, ता.४ काँग्रेस-राष्ट्रवादी काँग्रेस आघाडीतील प्रमुख मित्रपक्ष असलेल्या शेतकरी कामगार पक्षाला विदर्भातील एकमेव गडचिरोलीची जागा न सोडल्याने शेकापच्या जिल्हा मध्यवर्ती समितीने जिल्ह्यातील तीनही विधानसभा पक्षाच्या ‘खटारा’ चिन्हावर लढण्याचा निर्णय घेतला होता. त्यानुसार काल अहेरीत भाई नागेश तोर्रेम यांची उमेदवारी दाखल केल्यानंतर आज गडचिरोलीत शेकापच्या उमेदवार जयश्री वेळदा शेकडो कार्यकर्त्यांसह पक्षाचा निवडणूक चिन्ह असलेला 'खटारा' घेवून निवडणूक निर्णय अधिका-यांचे कार्यालय गाठले व शक्तीप्रदर्शनासह आपली उमेदवारी दाखल करीत विधानसभा क्षेत्रातील जनतेचे लक्ष वेधून घेतले.
शेकापच्या गडचिरोली जिल्हा कार्यालयापासून निघालेल्या रँलीत शेतकरी, शेतमजूर, कष्टक-यांसह तरुणही मोठ्या संख्येने सहभागी झाले होते. यावेळी शेकापचे जिल्हा चिटणीस भाई रामदास जराते, खजिनदार भाई शामसुंदर उराडे,सहकार जिल्हाध्यक्ष मोरेश्वर कुनघाडकर, विद्यार्थी जिल्हाध्यक्ष अक्षय कोसनकर, नरेश मेश्राम, रोहिदास कुमरे,दिनेश चुधरी, प्रदीप आभारे,रामकृष्ण धोटे,गंगाधर बोमनवार, विजया मेश्राम,सावित्री गेडाम,संगिता चांदेकर, लक्ष्मी भगत, वनिता जवादे यांच्यासह शेकडो कार्यकर्ते उपस्थित होते.