ठळक बातम्या

• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..
• गडचिरोली:तपासणी पथकाने जप्त केली ११..
• आत्राम आणि वडेट्टीवारांच्या आरोप-प्..

गडचिरोली,ता.२६: येथील गोंडवाना विद्यापीठातर्फे दिला जाणारा जीवन साधना गौरव पुरस्कार समाजसेवक देवाजी तोफा यांना जाहीर झाला आहे. विद्यापीठाचे कुलगुरु डॉ.एन.व्ही.कल्याणकर यांनी आज पत्रकार परिषदेत ही माहिती दिली.

कुलगुरु डॉ.कल्याणकर यांनी सांगितले की, २ ऑक्टोबर रोजी गोंडवाना विद्यापीठाला आठ वर्षे पूर्ण होत आहेत. त्यानिमित्त आयोजित वर्धापन दिन कार्यक्रमात देवाजी तोफा यांना पुरस्कार प्रदान करण्यात येणार आहे. प्रख्यात पत्रकार व साहित्यिक अमर हबीब यांच्या हस्ते श्री.तोफा यांना पुरस्कार प्रदान करण्यात येणार आहे.

या कार्यक्रमात विद्यापीठ, तसेच विद्यापीठांतर्गत कार्यरत विविध महाविद्यालयांतील प्राध्यापक, कर्मचारी व विद्यार्थ्यांनाही विविध पुरस्कारांनी सन्मानित करण्यात येणार आहे, असे डॉ.कल्याणकर यांनी सांगितले.

देवाजी तोफा हे धानोरा तालुक्यातील मेंढा(लेखा) येथील रहिवासी असून, त्यांनी जल, जंगल व जमिनीच्या हक्काबाबत मोठे काम केले आहे. ग्रामसभेच्या माध्यमातून त्यांनी गावाला स्वयंपूर्ण केले आहे, असे डॉ.कल्याणकर यांनी सांगितले. पत्रकार परिषदेला प्र-कुलगुरु डॉ.चंद्रशेखर भुसारी, कुलसचिव डॉ.ईश्वर मोहुर्ले उपस्थित होते.