ठळक बातम्या

• आचारसंहितेचा भंग; भाजपच्या दोन नेत्..
• रानटी हत्तीने घेतला शेतकऱ्याचा बळी,..
• दीड लाखांचे बक्षीस असलेल्या नक्षल स..
• गडचिरोली-चिमूर लोकसभा क्षेत्र:सरकार..
• लॉयड्सच्या ५० अधिकारी आणि कर्मचाऱ्य..
• गडचिरोली-चिमूर लोकसभा मतदारसंघात ७१..
• १७ एप्रिल लक्षात ठेवा: गडचिरोली जिल..
• अशोक नेतेंच्या नावेला तारुन देण्यास..

गडचिरोली,ता.१४: वैज्ञानिक दृष्टिकोनातून विद्यार्थ्यांचा विकास साध्य करणे काळाची गरज आहे. विद्यार्थ्यांच्या मनात विज्ञानविषयाची आवड निर्माण करून त्यांना विकासाची जोड देणे महत्त्वाचे आहे. शालेय जीवनात वैज्ञानिक दृष्टिकोनातून अंगभूत ज्ञान विकसीत करीत विद्यार्थ्यांनी मोठे होऊन वैज्ञानिक व्हावे, असे आवाहन नगराध्यक्षा योगिता पिपरे यांनी केले.

डॉ.बाबासाहेब आंबेडकर नगर परिषद शाळा गडचिरोली येथे शालेय शिक्षण व क्रीडा विभाग, समग्र शिक्षा महाराष्ट्र प्राथमिक शिक्षण परिषद यांच्या उपक्रमांतर्गत नावीण्यपूर्ण विज्ञान केंद्राचे उद्घाटन नगराध्यक्षा योगिता पिपरे यांच्या  हस्ते करण्यात आले, त्यावेळी त्या बोलत होत्या.

कार्यक्रमाच्या  अध्यक्षस्थानी नगरपरिषदेच्या शिक्षण समिती सभापती वर्षा बट्टे होत्या. प्रमुख अतिथी म्हणून मुख्याधिकारी संजीव ओहोळ, नगरसेवक संजय मेश्राम, नगरसेविका रंजना गेडाम आदी मान्यवर उपस्थित होते.

नगराध्यक्षा पिपरे पुढे म्हणाल्या, विद्यार्थ्यांनी यशाची पायरी चढताना कोणत्याही अहंकारात न जाता शैक्षणिक जीवनात सातत्य ठेवावे. समाजासाठी कार्य करण्याची धडपड अंगी बाळगावी. विकासाच्या वाटेवर सतत कार्यरत असावे. सामान्य परिस्थितीतून मिळविलेले यश निरंतर आपल्या ध्यानात ठेवावे. शाळेत प्रयोगशाळा सुरू झाल्याने विद्यार्थ्यांनी या प्रयोगशाळेतून भविष्यात वैज्ञानिक होण्याचे ध्येय बाळगावे, असेही त्या म्हणाल्या.

यावेळी उपस्थित मान्यवरांच्या  हस्ते विद्यार्थ्यांना स्कूल बॅग, बूट आदी शैक्षणिक साहित्याचे वितरण करण्यात आले. तसेच उपस्थित मान्यवरांनी सुध्दा विद्यार्थ्यांना मार्गदर्शन केले.

कर्यक्रमाचे प्रास्ताविक मुख्याध्यापिका मंगला रामटेके यांनी केले. संचालन संध्या चिलमवार तर आभार पेंदाम यांनी मानले. कार्यक्रमाला शाळा व्यवस्थापन समितीचे अध्यक्ष संदीप वऱ्हाडे,.उपाध्यक्षा मिस्त्री, सर्व सदस्य, पालक, शिक्षक व विद्यार्थी मोठ्या संख्येने उपस्थित होते.